کیا خدا داد آپ کی اِمداد ہے
اک نظر میں شاد ہر ناشاد ہے
Kiya khuda dad aap ki imdad hai
Ek nazar mein shad har nashad hai
مصطفیٰ تو برسرِ اِمداد ہے
عفو تو کہہ کیا ترا اِرشاد ہے
Mustafa to barasr-e-imdad hai
Afw tu keh kya tera irshad hai
بن پڑی ہے نفسِ کافر کیش کی
کھیل بگڑا لو خبر فریاد ہے
Ban pari hai nafas-e-kafir kesh ki
Khel bigra lo khabar faryad hai
اس قدر ہم اُن کو بھولے ہائے ہائے
ہر گھڑی جن کو ہماری یاد ہے
Is qadar hum un ko bhoolay hai hai
Har ghari jin ko hamari yaad hai
نفسِ اَمَّارہ کے ہاتھوں اے حضور
داد ہے بیداد ہے فریاد ہے
Nafas-e-ammarah ke haatho ae huzoor
Dad hai bedad hai faryad hai
پھر چلی بادِ مخالف لو خبر
ناؤ پھر چکرا گئی فریاد ہے
Phir chali baad-e-mukhalif lo khabar
Nau phir chakra gayi faryad hai
کھیل بگڑا ناؤ ٹوٹی میں چلا
اے مِرے والی بچا فریاد ہے
Khel bigra nau tooti mein chala
Ae mere wali bacha faryad hai
رات اندھیری میں اکیلا یہ گھٹا
اے قمر ہو جلوہ گر فریاد ہے
Raat andheri mein akela yeh ghata
Ae qamar ho jalwa gar faryad hai
عہد جو اُن سے کیا روزِ اَلست
کیوں دِلِ غافل تجھے کچھ یاد ہے
Ahd jo un se kiya roz-e-alast
Kyun dil-e-ghafil tujhe kuch yaad hai
میں ہوں میں ہوں اپنی امت کے لئے
کیا ہی پیارا پیارا یہ اِرشاد ہے
Main hoon main hoon apni ummat ke liye
Kya hi pyara pyara yeh irshad hai
وہ شفاعت کو چلے ہیں پیشِ حق
عاصیو تم کو مبارکباد ہے
Wo shafaat ko chale hain pesh-e-haq
Asiyo tum ko mubarakbad hai
کون سے دل میں نہیں یادِ حبیب
قلبِ مومن مصطفیٰ آباد ہے
Kaun se dil mein nahi yaad-e-habib
Qalb-e-momin Mustafa aabad hai
جس کو اس در کی غلامی مل گئی
وہ غمِ کونین سے آزاد ہے
Jis ko us dar ki ghulami mil gayi
Wo gham-e-kounain se azad hai
جن کے ہم بندے وہی ٹھہرے شفیع
پھر دلِ بیتاب کیوں ناشاد ہے
Jin ke hum banday wohi thehray shafi
Phir dil-e-baetaab kyun nashad hai
اُن کے در پر گر کے پھر اُٹھا نہ جائے
جان و دل قربان کیا اُفتاد ہے
Un ke dar par gir ke phir utha na jaye
Jaan o dil qurabaan kya uftad hai
یہ عبادت زاہدو بے حب دوست
مفت کی محنت ہے سب برباد ہے
Yeh ibadat zahido be huub dost
Muft ki mehnat hai sab barbad hai
ہم صفیروں سے ملیں کیونکر حسنؔ
سخت قید اور سنگدل صیاد ہے
Hum safiron se milen kyun kar Hasan
Sakht qaid aur sang dil sayad hai
Share This Naat
Share with friends and family
کیا خدا داد آپ کی اِمداد ہے
حسن رضا خان