جمال سارا ہے اس کی اترن کہ جانِ حسن و جمال ہے وہ
کمال سارا اسی کا صدقہ کہ اصلِ فضل و کمال ہے وہ
Jamaal saara hai us ki utaran ke jaan-e husn o jamaal hai woh
Kamaal saara usi ka sadqa ke asal-e fazl o kamaal hai woh
حسین تر ہے اسی کا اُسوہ جمیل تر ہے اسی کا قدوہ
ادائیں اس کی سراپا خُوبی کہ روحِ حسنِ خصال ہے وہ
Haseen tar hai usi ka uswah jameel tar hai usi ka qadwah
Adaayein us ki sartaapa khoobi ke rooh-e husn-e khisaal hai woh
کلامِ ربیّ کی ندرتوں سے عیاں ہے حسنِ کلام اس کا
خدا کےلہجے میں بولتا ہے کہ ایسا قُدسی مقال ہے وہ
Kalaam-e Rabbi ki nudraton se ayaan hai husn-e kalaam us ka
Khuda ke lehje mein bolta hai ke aisa qudsi maqal hai woh
کسی کو تھا حکمِ لن ترانی یہاں تقاضے تھے ادنُ منّی
کلیم فضلِ کلام تک تھے حبیبِ وصل و وصال ہے وہ
Kisi ko tha hukm-e lan tarani yahan taqaze the adnu minni
Kaleem fazl-e kalaam tak the Habeeb-e wasl o wisaal hai woh
اسی سے سارے شعور روشن اسی سے روحِ قلوب تاباں
وہی خیالوں میں جگمگائے یقیں ورائے خیال ہے وہ
Ussi se saare shaoor roshan ussi se rooh-e quloob tabaan
Wohi khayalon mein jagmagaye yaqeen waraye khayal hai woh
نہ اس کے جیسا ہوا ہے کوئی نہ اس کے جیسا کبھی بھی ہوگا
نہ کوئی تشبیہ نہ استعارہ کہ آپ اپنی مثال ہے وہ
Na us ke jaisa hua hai koi na us ke jaisa kabhi bhi hoga
Na koi tashbeeh na isti'ara ke aap apni misaal hai woh
متاعِ دنیا کوکچھ نہ جانیں وہ اس کےسلماں وہ اس کے بُوذر
نہ لائے خاطر میں حسنِ جنّت فدائی ان کا بلال ہے وہ
Mata-e duniya ko kuch na jaanen woh us ke Salman woh us ke Bozar
Na laaye khatir mein husn-e jannat fadaai un ka Bilaal hai woh
حضور اپنے کرم کا صدقہ نگاہیں رحم و کرم کی ڈالیں
کہ خونِ مسلم ہوا ہے ارزاں کہ غم سے اُمت نڈھال ہے وہ
Huzoor apne karam ka sadqa nigahen rahm o karam ki daalen
Ke khoon-e Musalman hua hai arzaan ke gham se ummat nidhaal hai woh
ہے شکر راہِ خدا میں نوری بِتا رہا ہے یہ عمر اپنی
پھرا ہے گرچہ وہ ملکوں ملکوں حریصِ شہرِجمال ہےوہ
Hai shukr raah-e Khuda mein Noori bita raha hai ye umr apni
Phira hai garcha woh mulkon mulkon harees-e shehr-e jamaal hai woh
Share This Naat
Share with friends and family
جمال سارا ہے اس کی اترن کہ جانِ حسن و جمال ہے وہ
محمد ظفراقبال نوری