اوجِ آسماں کو بھی زیرِ آسماں دیکھا
عرش کے برابر ہے ہم نے وہ مکاں دیکھا
Auj-e-Aasmaan ko bhi zeere aasman dekha
Arsh ke barabar hai hum ne wo makan dekha
واہ کیا مدینہ ہے رات ہو کہ دن ہر دم
ہر ہوا کے جھونکے کو ہم نے مدح خواں دیکھا
Wah kya Madina hai raat ho ke din har dam
Har hawa ke jhonke ko hum ne madah khawan dekha
دھوپ دیکھی سائے میں سائبانِ رحمت کے
سو رہی تھی ٹھنڈک میں دھوپ کو جہاں دیکھا
dhoop dekhi saaye mein saiban-e-Rehmat ke
So rahi thi thandak mein dhoop ko jahan dekha
بوند بوند پانی کی شہد کو جو شرما دے
چہرہ چہرہ ذرّوں کا ، حسنِ کہکشاں دیکھا
boond boond pani ki shehed ko jo sharma de
Chehra chehra zarron ka, husn-e-kahkashan dekha
زائروں کے تلوے خود حال یہ سناتے ہیں
ریت مخملی دیکھی ، خارِ نرم جاں دیکھا
Zairoon ke talwe khud haal ye sunate hain
Ret makhmali dekhi, khaar-e-narm jan dekha
اشک آئے مژگاں پر شوق میں حضوری کے
باوضو ہوئیں پلکیں آب جب رواں دیکھا
Ashq aaye muzgaan par shauq mein huzoori ke
ba-wazu huin palken aab jab rawa dekha
نغمگی ہواؤں میں شاعری فضاؤں میں
ایسا کب کہاں ہو گا ہاں مگر وہاں دیکھا
Naghma-gii hawaon mein shyari fazaon mein
Aisa kab kahan ho ga haan magar wahan dekha
سب کی جھولیاں بھر کر جو کہے کہ مانگو اور
اس سخی کا در دیکھا اس کا آستاں دیکھا
Sab ki jholian bhar kar jo kahe ke maango aur
Us sakhi ka dar dekha uska astan dekha
عاصیوں کو تسکین ہے ، دل جلوں کو راحت ہے
یہ سِوا مدینے کے آنکھ نے کہاں دیکھا
Asiyon ko taskeen hai, dil jalo ko rahat hai
Ye siwa Madine ke aankh ne kahan dekha
نام لو محمد کا اور پار لگ جاؤ
رب کو اُن کی اُمت پر اتنا مہرباں دیکھا
Naam lo Muhammad ka aur paar lag jao
Rab ko un ki umat par itna mehrban dekha
اُسوۂ محمد پر گامزن ہوئے جو بھی
ان کو سرخرو پایا ان کو کامراں دیکھا
Uswa-e-Muhammad par gaamzan hue jo bhi
Un ko surkhroo paya un ko kamran dekha
جن کے جن کے ہاتھوں سے دامنِ نبی چھوٹا
تنگیٔ زمیں دیکھی دشمن آسماں دیکھا
Jinke jinke hathon se daman-e-Nabi chhuta
Tangeei zameen dekhi dushman aasman dekha
فن کے قدر دانوں میں فن ہی قدرو قیمت ہے
دل ادیبؔ کا صاحب کس نے اور کہاں دیکھا
Fan ke qadr dano mein fan hi qadr o qeemat hai
Dil Adeeb ka sahib kis ne aur kahan dekha
Share This Naat
Share with friends and family
اوجِ آسماں کو بھی زیرِ آسماں دیکھا
حضرت ادیب رائے پوری