لطف ان کا عام ہو ہی جائے گا
شاد ہر ناکام ہو ہی جائے گا
Lutf un ka aam ho hi jae ga
Shaad har nakaam ho hi jae ga
جان دے دو وعدۂ دیدار پر
نقد اپنا دام ہو ہی جائے گا
Jaan de do waada-e-deedaar par
Naqd apna daam ho hi jae ga
شاد ہے فردوس یعنی ایک دن
قسمتِ خدام ہو ہی جائے گا
Shaad hai firdous yaani aik din
Qismet-e-khuddam ho hi jae ga
یاد رہ جائیں گی یہ بے باکیاں
نفس تو تو رام ہو ہی جائے گا
Yaad reh jae gi ye bebasakiaan
Nafs tu tu raam ho hi jae ga
بے نشانوں کا نشاں مِٹتا نہیں
مٹتے مٹتے نام ہو ہی جائے گا
Be-nishanon ka nishaan mitta nahi
Mitte mitte naam ho hi jae ga
یادِ گیسو ذکرِ حق ہے آہ کر
دل میں پیدالام ہو ہی جائے گا
Yaad-e-gesu zikr-e-haq hai aah kar
Dil mein paida laam ho hi jae ga
ایک دن آواز بدلیں گے یہ ساز
چہچہا کہرام ہو ہی جائے گا
Aik din aawaaz badlenge ye saaz
Chehcha ha kehraam ho hi jae ga
سائلو! دامن سخی کا تھام لو
کچھ نہ کچھ انعام ہو ہی جائے گا
Saailo! daman sakhi ka thaam lo
Kuch na kuch inaam ho hi jae ga
!یاد ابرو کر کے تڑپو بلبلو
ٹکڑے ٹکڑے دام ہو ہی جائے گا
!Yaad abru kar ke tarpo balbalo
Tukre tukre daam ho hi jae ga
مفلِسو! اُن کی گلی میں جا پڑو
باغِ خلد اکرام ہو ہی جائے گا
Muflaso! un ki gali mein ja paro
Bagh-e-khulad ikraam ho hi jae ga
گر یونہی رحمت کی تاویلیں رہیں
مدح ہر الزام ہو ہی جائے گا
Gar yuhunhi rehmat ki taweelein rahein
Madh har ilzaam ho hi jae ga
بادہ خواری کا سماں بندھنے تو دو
شیخ دُرد آشام ہو ہی جائے گا
Baadah khaari ka samaa bandhne to do
Shaikh durd aasham ho hi jae ga
غم تو ان کو بھول کر لپٹا ہے یوں
جیسے اپنا کام ہو ہی جائے گا
Gham to un ko bhul kar lipta hai yun
Jaise apna kaam ho hi jae ga
مِٹ! کہ گر یونہی رہا قرضِ حیات
جان کا نیلام ہو ہی جائے گا
Mitt! ke gar yuhunhi raha qarz-e-hayaat
Jaan ka neelaam ho hi jae ga
عاقلو! ان کی نظر سیدھی رہے
بَوروں کا بھی کام ہو ہی جائے گا
Aaqilo! un ki nazar seedhi rahe
Buron ka bhi kaam ho hi jae ga
اب تو لائی ہے شفاعت عفو پر
بڑھتے بڑھتے عام ہو ہی جائے گا
Ab to laai hai shafaat afu par
Barhte barhte aam ho hi jae ga
اے رضاؔ ہر کام کا اِک وقت ہے
دل کو بھی آرام ہو ہی جائے گا
Ae Raza! har kaam ka ek waqt hai
Dil ko bhi aaraam ho hi jae ga
Share This Naat
Share with friends and family
لطف ان کا عام ہو ہی جائے گا
احمد رضا خان بریلوی