تُجھ کو آنکھوں میں لِیے جب مَیں یہ دُنیا دیکھوں
ہر سَحَر میں تِرے ماتھے کا اُجالا دیکھوں
Tujh ko aankhon mein liye jab main yeh duniya dekhun
Har sahar mein tire maathay ka ujala dekhun
آئِنہ بن کے جو ساری بشریّت آئے
کوئی تصویر کوئی عکس نہ تجھ سا دیکھوں
Aaina ban ke jo saari bashariyyat aaye
Koi tasveer koi aks na tujh sa dekhun
میری بِینائیوں کے پَر سے نِکل آتے ہیں
جب خلاؤں میں تِرا نقشِ کفِ پا دیکھوں
Meri beenaiyon ke par se nikal aatay hain
Jab khalaon mein tira naqsh-e-kaf-e-pa dekhun
تیرے قدموں سے لپٹنے میں ہے معراج مِری
تیری دہلیز پہ جبریل کو بیٹھا دیکھوں
Tire kadmon se lipatne mein hai meraaj meri
Teri dehleez pe Jabreel ko baitha dekhun
کیا سمائے مِرے لفظوں میں بڑائی تیری
صَف میں نبیوں کے تِرا چاہنے والا دیکھوں
Kya samaaye mere lafzon mein barayi teri
Saf mein nabiyyon ke tira chahne wala dekhun
شوق ہوتا ہے جو بیتاب تلاوت کے لیے
رحلِ دل پر تِرے جلووں کا صحیفہ دیکھوں
Shoq hota hai jo betaab tilawat ke liye
Rehal-e-dil par tire jalwon ka saheefa dekhun
تیری انگشتِ تصّور سے بھی چشمے پھُوٹیں
تیرے صحرا میں کِسی کو بھی نہ پیاسا دیکھوں
Teri angusht-e-tasawwur se bhi chashme phootain
Tire sehra mein kisi ko bhi na pyasa dekhun
آنکھ والوں کو نظر آئی نہ پرچھائیں تِری
مَیں تو دیورِ ابد تک تِرا سایا دیکھوں
Aankh walon ko nazar aai na parchhaain teri
Main to deewar-e-abad tak tira saya dekhun
ڈال دیں مُجھ پہ مظفرؔ جو وُہ کالی کملی
رُوح کے غار سے خُورشید نِکلتا دیکھوں
Daal dein mujh pe Muzaffar jo woh kali kamli
Rooh ke ghaar se khursheed nikalta dekhun
Share This Naat
Share with friends and family
تِرا سایا دیکھوں
مظفر وارثی