ہر طرف اے بارش خوشیاں دی ہر پاسے نور نظارے نے
اج صدقے کملی والے دے رب سب دے بخت سنوارے نے
Har taraf ae barish khushiyaan di har paase noor nazare ne
Aj sadqay kamli walay de Rab sab de bakht sanware ne
آئے چارہ گر بے چاریاں دے، دُکھ مُک گئے غم دے ماریاں دے
امت لئی پیدا ہندیاں ای ، سجدے محبوب گزارے نے
Aaye charah gar be chaariyaan de, dukh muk gaye gham de maariyaan de
Ummat layi paida handiyaa ei, sajday mehboob guzare ne
افلاک دے تارے جھک گئے نے ، کعبے دے منارے جُھک گئے نے
نیوں نیوں کے سلامی دتی اے محبوب نوں عالم سارے نے
Aflak de taare jhuk gaye ne, Kabay de minare jhuk gaye ne
Nioun nioun ke salaami ditti ae mehboob nu aalam saare ne
سب دُنیا نور و نور ہوئی ، ہر جھولی اج بھر پور ہوئی
محبوب دے صدقے خالق نے ، آج دونویں عالم تارے نے
Sab duniya noor o noor hui, har jholi aj bhar poor hui
Mehboob de sadqay Khaaliq ne, aaj donve aalam taare ne
جو چن دے اندر چمک رہیا ، جو سورج دے وچ دمک رہیا
گھر آمنہ دے اوہ نور آیا، جس نور دے سب چمکارے نے
Jo chan de andar chamak rehya, jo sooraj de vich damak rehya
Ghar Amina de oh noor aya, jis noor de sab chamkaare ne
والشمس کہیا یسین کہیا ، برھان تے نور مبین کہیا
محبوب دی صائم نعت پڑھی ، قرآن دے اک اک پارے نے
Walshams kahiya Yasin kahiya, Burhan te Noor Mubeen kahiya
Mehboob di Saima naat padhi, Quran de ik ik paare ne
Share This Naat
Share with friends and family
ہر طرف اے بارش خوشیاں دی ہر پاسے نور نظارے نے
علامہ صائم چشتی