سنگ کی جب بارشیں شہ پہ کیں اغیار نے
زخم کھا کر دی دعا سیدِ ابرار نے
Sang ki jab baarishain shah pe keen aghyar ne
Zakhm kha kar dee dua Sayyid-e-Abrar ne
ہوگئی اس جگ میں جب گمرہی حد سے سوا
جگ میں بھیجا راہبر جگ کے پالن ہار نے
Ho gayi is jag mein jab gumrahi had se siwa
Jag mein bheja rahabar jag ke palan haar ne
کس قدر تھا پُر اثر حسنِ خلقِ مصطفیٰؐ
فتح دل کو کر لیا شاہ کی گفتار نے
Kis qadar tha pur asar husn-e-khalq-e-Mustafa ﷺ
Fateh dil ko kar liya Shah ki guftaar ne
چار سو الحاد کی بڑھ گئیں جب ظلمتیں
دہر کو روشن کیا مہرِ حق انوار نے
Char soo ilhad ki barh gaeen jab zulmaten
Dahr ko roshan kiya mehr-e-haq anwaar ne
سنگ دل جو تھے انھیں موم صورت کردیا
آپ کے اخلاق نے، آپ کے کردار نے
Sang dil jo they unhein mom soorat kar diya
Aap ke ikhlaq ne, aap ke kirdaar ne
شہرِ طیبہ کی فضا کو منور کر دیا
آپ کی دہلیز کے حسنِ پُر انوار نے
Shehr-e-Tayyiba ki fiza ko munawwar kar diya
Aap ki dehleez ke husn-e-pur anwaar ne
پا لیا ایثار سے افضلیت کا شرف
حق رفاقت کا ادا کر کے یارِ غار نے
Pa liya eesaar se afzaliat ka sharaf
Haq rafaqqat ka ada kar ke Yaar-e-ghaar ne
صاحبِ ایماں ہوئے ہیں شوق سے حضرت عمر
خوف سے تھرا گئے جب سنا کفار نے
Sahib-e-eemaan huay hain shauq se Hazrat Umar
Khauf se thara gaye jab suna kuffar ne
صاحبِ زر کو عطا کی سخاوت کی ادا
حضرتِ عثماں کے اس جذبۂ ایثار نے
Sahib-e-zar ko ata ki sakhaawat ki ada
Hazrat-e-Usman ke is jazba-e-eesaar ne
طیش آنے پر کیا دشمنِ دیں کو معاف
مات دی یوں نفس کو حیدرِ کرار نے
Taish aane par kiya dushman-e-deen ko maaf
Maat dee youn nafs ko Haider-e-Karrar ne
فکرِ احسؔن کو ملی نعت گوئی سے جلا
بخش دی پاکیزگی، مدحتِ سرکار نے
Fikr-e-Ahsan ko mili naat goee se jala
Bakhsh di paakizagi, madhat-e-sarkar ne
Share This Naat
Share with friends and family
سنگ کی جب بارشیں شہ پہ کیں اغیار نے
احسن اعظمی