ذوقِ نظّارہ کو ہر وقت سفر میں رکھیے
سبز گنبد کی فضا اپنی نظر میں رکھیے
Zauq-e-nazzarah ko har waqt safar mein rakhiye
Sabz Gunbad ki fiza apni nazar mein rakhiye
عکس محبوبِؐ خدا قلب گُہر میں رکھیے
پھر گہر کو صدفِ دیدۂ تر میں رکھیے
Aks mehboob-e-Khuda qalb guhar mein rakhiye
Phir guhar ko sadaf e deedaho tar mein rakhiye
تذکرہ آپؐ کے اوصاف کا ہے کارِ ثواب
شرط ہے اس کا تقاضا بھی نظر میں رکھیے
Tazkira aap ke aausaf ka hai karr e sawab
Shart hai is ka taqaza bhi nazar mein rakhiye
جس میں حضرتؐ پہ فدا ہونے کا جذبہ ہی نہ ہو
ایسے ایمان کو لے جائیے، گھر میں رکھیے
Jis mein Hazrat pe fida hone ka jazba hi na ho
Aisay emaan ko le jaiye, ghar mein rakhiye
وہ بشر بھی ہیں، مگر صرف بشر ہی تو نہیں
یہ پرکھ مسئلۂ نور و بشر میں رکھیے
Wo bashar bhi hain, magar sirf bashar hi to nahi
Ye parakh mas'alah e noor o bashar mein rakhiye
اُن کی اُلفت سے نہیں ہے کوئی شے بھی افضل
راہِ عقبیٰ کے اِسے زادِ سفر میں رکھیے
Un ki ulfat se nahi hai koi shai bhi afzal
Rah e oaqba ke isay zead e safar mein rakhiye
جن کا اُس نُورِ مجّسم سے نہ ہو ربطِ نیاز
ایسے مشکوک عناصر کو نظر میں رکھیے
Jin ka us Noor e mujasim se na ho rabt e niaz
Aisay mashkook anaasir ko nazar mein rakhiye
عشقِ سرکارؐ کی دولت کو کریں عام نصیرؔ
گھر کی دولت ہے، مگر اِس کو نہ گھر میں رکھیے
Ishq e Sarkaar ki dolat ko karein aam Naseer
Ghar ki dolat hai, magar is ko na ghar mein rakhiye
Share This Naat
Share with friends and family
ذوقِ نظّارہ کو ہر وقت سفر میں رکھیے
سید نصیرالدیں نصیر