تیری دید بناں ڈھولا ساڈی نہ گذر ہووے
لگا روگ جدائیاں دا جی ہووئے نہ مر ہووے
Teri deed banan dhola sadi na guzar hovay
Laga rog judaian da ji hovay na mar hovay
ہووے دل وچ یاد تیری ہووے لب اتے نام تیرا
اس دنیا توں محبوبا جیہڑے ویلے سفر ہووے
Hovay dil vich yaad teri hovay lab ute naam tera
Is duniya toon mahbooba jihre vailay safar hovay
میرے جئے کملیاں نوں کوئی پچھ دا نئیں بن تیرے
میرا بن جاوے جگ سارا تیرا کرم جے کر ہووے
Mere jaye kamliyan nu koi puchh da nai ban tere
Mera ban jaave jag saara tera karam je kar hovay
کجھ ہور ملے نہ ملے میرے لئی کافی اے
تیرے عشق چہ محبوبا میری عمر بسر ہووے
Kujh hor milay na milay mere layi kaafi ae
Tere ishq che mahbooba meri umr basar hovay
تیری نظرچہ نئیں جیہڑا وہ لکھ دا وی ککھ ورگا
اوہ ککھ وی اے لکھ ورگا تیری جس تے نظر ہووے
Teri nazar che nai jihra oh likh da vi kakh warga
Oh kakh vi ae lakh warga teri jis te nazar hovay
من موہنے نبی سوہنے میرے دل دی تمنا اے
موت آوے جدوں مینوں تیرا سامنے در ہووے
Man mohne Nabi sohne mere dil di tamanna ae
Maut aave jadon mainu tera samne dar hovay
میں قدم تے چکنا ہاں پر پیش نہ جاندی اے
ایہہ عشق دی منزل وی تیرے باہجھ نہ سر ہووے
Main qadam te chukna haan par paish na jaandi ae
Aih ishq di manzil vi tere bahjh na sar hovay
آ جاوے جے اوہ سوہنا میری ککھاں دی کلی وچ
چا چاواں نوں چڑھ جاون خوشیاں دی سحر ہووے
Aa jaave je oh sohna meri kakhah di kali vich
Chaa chawan nu charh jaavan khushiyan di sehar hovay
گھٹ صبر دے پی لاں گا میں ہور وی جی لاں گا
تیرے آؤن دی محبوبا جے مینوں خبر ہووے
Ghat sabar de pi laan ga main hor vi ji laan ga
Tere aoun di mahbooba je mainu khabar hovay
عرشاں دے ملائک وی چمدے اوہناں راہواں نوں
جنہاں راہواں توں اللہ دے سوہنے دا گزر ہووے
Arshan de malaik vi cham'de ohna rahan nu
Jinah rahan toon Allah de sohne da guzar hovay
توفیقاں نیازی دے آقا نوں خدا دتیاں
کوئی اوہلے نہیں نظراں توں ہر شے دی خبر ہووے
Taufiqan Niazi de aaqa nu khuda diti'an
Koi ohle nai nazran toon har shay di khabar hovay
Share This Naat
Share with friends and family
تیری دید بناں ڈھولا ساڈی نہ گذر ہووے
عبدالستار نیازی