میری رُوحِ رواں مدینہ ہے
دل مدینہ ہے جاں مدینہ ہے
Meri rooh-e-rawa madina hai
Dil madina hai jaan madina hai
ہے مدینہ مری نگاہوں میں
یہ نہ پوچھو کہاں مدینہ ہے
Hai madina meri nigahon mein
Ye na poochho kahan madina hai
اللہ اللہ اس جگہ کا عروج
حسرتِ دو جہاں مدینہ ہے
Allah Allah is jagah ka urooj
Hasrat-e-do jahan madina hai
کیوں نہ اس پر فدا ہوں دو عالم
جانِ کون و مکاں مدینہ ہے
Kyun na is par fida hon do alam
Jaan-e-kon o makaan madina hai
اے مرے اضطراب ِ قلب و جگر
مجھ کو لے چل جہاں مدینہ ہے
Ae mere iztiraab-e-qalb o jigar
Mujh ko le chal jahan madina hai
مرتبہ اس کا کوئی کیا جانے
مرکزِ عارفاں مدینہ ہے
Murtaba is ka koi kya jane
Markaz-e-aarifaan madina hai
کیا بتاؤں کسی کو میں بہزاؔد
میرے وردِ زباں مدینہ ہے
Kya bataon kisi ko mein Behzad
Mere wird-e-zabaan madina hai
Share This Naat
Share with friends and family
میری رُوحِ رواں مدینہ ہے
بہزاد لکھنوی