غریقِ ظلمتِ عصیاں ہے بال بال حضور
نگاہِ لطف کا طالب ہے حال حال حضور
Ghariq-e-zulmat-e-asyaan hai baal baal Huzoor
Nigaah-e-lutf ka taalib hai haal haal Huzoor
حرائے جاں میں کبھی روئے والضُّحٰی چمکے
ہوا ہے جادۂ ہستی یہ ضال ضال حضور
Haraa-e-jaan mein kabhi roye wal-zuhaa chamke
Huaa hai jaadah-e-hasti ye zaal zaal Huzoor
حیات قہر ہوئی زندگی وبال بنی
خزاں نے جھاڑ دی ہو جیسے ڈال ڈال حضور
Hayaat qahr hui zindagi wabal bani
Khiza ne jhaard di ho jaise daal daal Huzoor
ہوئی وہ اُمّتِ عاصی پہ ظلم کی یورش
سسک سسک کے نکلتا ہے سال سال حضور
Hui wo ummat-e-aasi pe zulm ki yurish
Sisk sisk ke nikalta hai saal saal Huzoor
کریں جو اشکِ ندامت سے پھر وضو اکثر
ہوئے ہیں ایسے مصلّی تو خال خال حضور
Karein jo ashk-e-nadaamat se phir wuzu aksar
Hue hain aise musalli to khaal khaal Huzoor
مجھے یقین ہے اک دن یہ حال بدلے گا
ہے لب پہ وردِ علی دل میں آل آل حضور
Mujhe yaqeen hai ek din ye haal badle ga
Hai lab pe wird-e-Ali dil mein aale aale Huzoor
کرم سے آپ کے شاہا ظفر سلام بہ لب
درود مست ہے دل کی یہ تال تال حضور
Karam se aap ke Shaahaa Zafar salaam ba lab
Darood mast hai dil ki ye taal taal Huzoor
Share This Naat
Share with friends and family
غریقِ ظلمتِ عصیاں ہے بال بال حضور
محمد ظفراقبال نوری