ہُن اتھرو نہیں اکھیاں نے ٹھلنے مدینے دا خیال آگیا
تُحفے اشکاں دے سجناں نوں گھلنے مدینے دا خیال آگیا
Hun athroo nahi akhiyaan ne thalne Madine da khayal aagaya
Tuhfay ashkaan de sajnan nu ghulne Madine da khayal aagaya
میں بے وس تے لمیاں راہواں ، روندیاں نے مجبور نگاہواں
آرے غم دے جگر اُتے چلنے مدینے دا خیال آگیا
Main be was te lamiyan raahwaan, rondiyan ne majboor nigahwaan
Aaray gham de jigar ute chalne Madine da khayal aagaya
دل وچ بلدیاں غم دیاں بھائیں دور وسیندا سِر دا سائیں
پَینے دُکھ نے نَویں ہُن جَھلنے مدینے دا خیال آگیا
Dil vich baladiyaan gham diyaan bhaiyaan door wasinda sir da saaiyaan
Paine dukh ne navein hun jhalne Madine da khayal aagaya
بے درداں نوں کاہدیاں ساراں غم وچ جو جو پَیندیاں ماراں
ہتھیں زخم پَینے ہُن سلنے مدینے دا خیال آگیا
Be dardan nu kaahdiyaan saaraan gham vich jo jo paindiyan maaran
Hathein zakhm paine hun silne Madine da khayal aagaya
مرضاں ہُندیاں دُون سوائیاں شالا پیش نہ پین جُدائیاں
سب راہ درداں نے ملنے مدینے دا خیال آگیا
Marzan hundiyaan doon sawaaiyaan shala paish na pain judaaiyaan
Sab raah dardan ne milne Madine da khayal aagaya
صائم روندیاں تُوں مر جاناں خبرے یار نے کد بلوانا
سدے کد سجناں نے گھلنے مدینے دا خیال آگیا
Sa'im rondiyan tu mar jaana, khabre yaar ne kad bulwana
Sade kad sajnan ne ghulne Madine da khayal aagaya
Share This Naat
Share with friends and family
ہُن اتھرو نہیں اکھیاں نے ٹھلنے مدینے دا خیال آگیا
علامہ صائم چشتی