یہ دین یہ دانش کا اُجالا تری رحمت
تُو نے ہمیں ظلمت سے نکالا تری رحمت
Yeh deen yeh danish ka ujala teri rehmat
Tu ne hamen zulmat se nikala teri rehmat
دُنیا میں شرافت کا وثیقہ ترا احسان
عقبےٰ میں شفاعت کا قبالہ تری رحمت
Dunya mein sharafat ka waseqah tera ehsan
uqba mein shafa'at ka qabala teri rehmat
منعم ہے خُدا قاسمِ نعمت ہے ترا لُطف
مُنہ تک جو یہ آتا ہے نوالہ تری رحمت
Mune'em hai Khuda qasim-e-ne'mat hai tera lutf
Muhn tak jo yeh aata hai niwala teri rehmat
قُرآن کی صُورت میں جو ارسال ہُوا ہَے
اِنساں کی بھلائی کا رسالہ تری رحمت
Quran ki surat mein jo irsal hua hai
Insan ki bhalai ka risala teri rehmat
گردوں پہ ظہُورِ مہ و انجم کا سبب تُو
گلشن میں طلُوعِ گُل و لالہ تری رحمت
Gardun pe zahoor-e-mehv-o-anjum ka sabab tu
Gulshan mein tulu-e-gul-o-lala teri rehmat
خرمن سے عیاں خوشۂ زرّیں تری برکات
مَعدن میں نہاں لولوئے لالا تری رحمت
Kharman se ayaan khosha-e-zareen teri barkat
Ma'dan mein nihan lulu-e-lala teri rehmat
تُو جامعِ اوصافِ رسولاں بھی ہے لیکن
ہے سب سے بڑا تیرا حوالہ تری رحمت
Tu jame-e-ossaf-e-rusulan bhi hai lekin
Hai sab se bara tera hawala teri rehmat
جب پاؤں میں لغزش ہُوئی تیرا ہی بڑھا ہاتھ
مَیں جب بھی گرا تو نے سنبھالا تری رحمت
Jab paon mein laghzish hui tera hi barha hath
Main jab bhi gira tu ne sambhala teri rehmat
لکھتا ہُوں جو مَیں حرفِ ثنا تری نوازش
پڑھتا ہُوں جو مدحت کا مقالہ تری رحمت
Likhta hoon jo main harf-e-sana teri nawazish
Padhta hoon jo madahat ka maqala teri rehmat
اے ذاتِ خطا پوش ترے در پہ کھڑے ہیں
اُمّت کی خطاؤں سے ہے بالا تری رحمت
Ae zaat-e-khata posh tere dar pe kharay hain
Ummat ki khataon se hai bala teri rehmat
کر دے صفِ اقوام میں پھر ہم کو معزّز
ہے عُقدہ کُشا سیّدِ والا تری رحمت
Kar de saf-e-aqwam mein phir hum ko mo'azzaz
Hai uqda kusha sayyid-e-wala teri rehmat
Share This Naat
Share with friends and family
یہ دین یہ دانش کا اُجالا تری رحمت
عاصی کرنالی