مصطفےؐ مصطفےؐ کر رہا ہوں
یعنی رب کی ثنا کر رہا ہوں
Mustafa Mustafa kar raha hoon
Ya'ni Rab ki sana kar raha hoon
نعت بھی میرا حسن ِطلب ہے
اس گلی میں صدا کررہا ہوں
Naat bhi mera husn-e-talab hai
Is gali mein sada kar raha hoon
ان کے دریا میں مجھ کو ڈبو دے
منتِ ناخدا کر رہا ہوں
Un ke darya mein mujh ko dubo de
Mannat-e-nakhuda kar raha hoon
چل رہا ہوں مدارِ حرم میں
یا طواف ِحرا کر رہا ہوں
Chal raha hoon madar-e-haram mein
Ya tawaaf-e-hira kar raha hoon
زندگی ان پہ قربان کر کے
قرض ایماں ادا کررہا ہوں
Zindagi un pe qurban kar ke
Qarz eeman ada kar raha hoon
گنبد مصطفےؐ سے لپٹ کر
زخمِ دل کو ہرا کر رہا ہوں
Gunbad Mustafa se lipat kar
Zakhm-e-dil ko hara kar raha hoon
کیوں نہ ہو غیر حاضر مظفر
حاضری کی دعا کر رہا ہوں
Kyoon na ho ghair hazir Muzaffar
Haazri ki dua kar raha hoon
Share This Naat
Share with friends and family
مصطفےؐ مصطفےؐ کر رہا ہوں
مظفر وارثی