لکھے تھے کبھی نعت کے اشعار بہت سے
گھر میں ہیں مرے آج بھی انوار بہت سے
Likhe the kabhi naat ke ashaar bohat se
Ghar mein hain mere aaj bhi anwaar bohat se
اے شافع محشر لبِ اعجاز ہلائیں
تکتے ہیں کھڑے منہ کو گنہگار بہت سے
Ae Shaafi-e-Mehshar lab-e-ejaaz hilaayein
Takte hain khade munh ko gunahgaar bohat se
محشر میں محمد بھی ہیں یوسف بھی ہیں موجود
اب دیکھئے کس کے ہوں خریدار بہت سے
Mehshar mein Muhammad bhi hain Yusuf bhi hain maujood
Ab dekhiye kis ke hon kharedaar bohat se
شاید ہو اسی سال مدینے میں حضوری
آئے ہیں نظر خواب میں آثار بہت سے
Shayad ho isi saal Madine mein hazoori
Aaye hain nazar khwab mein asaar bohat se
پائی نہ جہاں بھر میں مثالِ شہِ لولاک
جبریل نے دیکھے تو طرح دار بہت سے
Paayi na jahan bhar mein misaal-e-Sheh-e-Lolak
Jibrael ne dekhe to terah daar bohat se
قربان تری رحمت پہ کہ جب وقت پڑا تو
تجھ بن نہ رہا کوئی تھے غم خوار بہت سے
Qurbaan teri rehmat pe keh jab waqt pada to
Tujh bin na raha koi the ghamkhaar bohat se
ہم کو بھی صبیحؔ اُس در ِ رحمت نے نوازا
جس در سے ہوئے صاحبِ دستار بہت سے
Hum ko bhi Sabih us dar-e-rehmat ne nawaza
Jis dar se hue saahib-e-dastaar bohat se
Share This Naat
Share with friends and family
لکھے تھے کبھی نعت کے اشعار بہت سے
سید صبیح الدین صبیح رحمانی