آپ کی نگری ہے فردوسِ بریں میرے لیے
وادئ طیبہ ہے جنت سے حسیں میرے لیے
Aap ki nagri hai firdaus-e-bareen mere liye
Wadi-e-Taiba hai jannat se haseen mere liye
جو مدینے کے خس و خا شاک پر سو کر اٹھیں
بادشاہوں سے ہیں بڑھ کر وہ مکیں میرے لیے
Jo Madine ke khass o kha shook pur so kar uthain
Badshahon se hain barh kar woh makeen mere liye
جس گلی نے آپ کی خوشبو کو چوما تھا کبھی
وہ گلی فردوس سے کم تو نہیں میرے لیے
Jis gali ne aap ki khushbu ko chooma tha kabhi
Woh gali firdaus se kam to nahi mere liye
آپ نے جس کو قدم بوسی کا بخشا تھا شرف
باغ جنت سے ہے بہتر وہ زمیں میرے لیے
Aap ne jis ko qadam bosi ka bakhsha tha sharaf
Baagh jannat se hai behtar woh zameen mere liye
آپ کے رخسار کی لاؤں کہاں سے میں مثال
آپ کے رخسار ہیں عرشِ بریں میرے لیے
Aap ke rukhsaar ki laoon kahan se main misaal
Aap ke rukhsaar hain arsh-e-bareen mere liye
آپ کا فاروقِ اعظم ہے مجھے جاں سے عزیز
آپ کا بوبکر ہے روح الامیں میرے لیے
Aap ka Farooq-e-Azam hai mujhe jaan se azeez
Aap ka Boubakr hai Ruh-ul-Ameen mere liye
آپ کا ہر اک صحابی صبحِ صادق کی دلیل
مہر و مہ ہیں آپ کے سب ہم نشیں میرے لیے
Aap ka har ek Sahabi subh-e-sadiq ki daleel
Meher o meh hain aap ke sab hum nasheen mere liye
گنبدِ خضراء جہاں موجود ہے اس شہر میں
ڈھونڈتی ہے سجدہ گاہیں یہ جبیں میرے لیے
Gunbad-e-Khazra jahan maujood hai us shehar mein
Dhoondti hain sajda gahain yeh jabeen mere liye
Share This Naat
Share with friends and family
آپ کی نگری ہے فردوسِ بریں میرے لیے
انجم نیازی