میرے محبوب آئے رحمتاں بہار ہو گیّاں
غماں دے بحر چوں اَج بیڑیاں سب پار ہو گیّاں
Mere mehboob aaye rahmataan bahaar ho giyaan
Ghmaan de bahr cho aj beeriya sab paar ho giyaan
جھے اجڑ چراندا سی میرا آقا حلیماں دے
اوہ جنگلی بیریاں اوہ جھاڑیاں گلزار ہو گیّاں
Jhe ujad charanda si mera aaqa Halimaan de
Oh jangli beriyan oh jhaariyan gulzaar ho giyaan
اوہ تھاواں جتھے تیری ریت سی تے سڑدے پتھر سی
میرے آقا دی برکت نال جنّت زار ہو گیّاں
Oh thawaan jithe teri reet si te sarday pathar si
Mere aaqa di barakat naal jannat zaar ho giyaan
جے تھاں تلوار دی شاخاں مرے آقا نے دے چھڈیاں
اوہ شاخاں چمکیاں تے صورت تلوار ہو گیّاں
Je thaan talwar di shakaan mere aaqa ne de chhadiyaan
Oh shaakhan chamakiyan te soorat talwar ho giyaan
ہنیرے وچ پھڑا دتیاں جے چھڑیاں میرے آقا نے
اوہ بنیاں مشعلاں تے مطلع انوار ہو گیّاں
Heneray vich phra datiyan je chhadiyaan mere aaqa ne
Oh baniyaan mishalaan te matla-e anwaar ho giyaan
جہناں چیزاں نوں ہتھ لگے مرے محبوب سوہنے دے
اوہ بن گیاں تبرّک لائق دیدار ہو گیاں
Jehnaa cheezan nu hath lage mere mehboob sohne de
Oh ban giyaan tabaruk laaiq deedaar ho giyaan
جوڈر کے آپ توں صائم گھراں نوں چھڈ کے چلیاں سی
اوہ مائیاں آپ توں قربان ویہندے سار ہو گیّاں
Jo dar ke aap to saim gharan nu chad ke chaliyaan si
Oh maaiyaan aap to qurban vehnde saar ho giyaan
Share This Naat
Share with friends and family
میرے محبوب آئے رحمتاں بہار ہو گیّاں
علامہ صائم چشتی