چھِڑ جائے جس گھڑی شہِؐ کون و مکاں کی بات
پڑھیئے دُرود،چھوڑئیے سُود و زیاں کی بات
Chhir jaye jis ghari shah-e-kon o makaan ki baat
Parhiye durood, chhodiye sood o ziyan ki baat
آتی ہے یُوں لبوں پہ شہِؐ انس و جاں کی بات
جیسے کہ مُنہ زمیں کا ہو اور آسماں کی بات
Aati hai yun labon pe shah-e-ins o jaan ki baat
Jaise ke munh zameen ka ho aur aasmaan ki baat
رُودادِ غم بیان کیے جارہا ہُوں مَیں
وہ سُن رہے ہیں میرے دلِ بے زباں کی بات
Roodaad-e-gham bayan kiye ja raha hoon main
Wo sun rahe hain mere dil-e-be zubaan ki baat
باضابطہ نمودِ سحر روک دی گئی
جب تک کہ طے ہوئی نہ بِلالی اذاں کی بات
Bazabta numood-e-seher rokh di gayi
Jab tak ke tay hui na bilaali azaan ki baat
بادِ صبا! نہ چھیڑ مجھے اُن کی یاد میں
کیسی بہار، کِس کا چمن، کیا خزاں کی بات
Baad-e-saba! na chheir mujhe un ki yaad mein
Kaisi bahaar, kis ka chaman, kya khizaan ki baat
ہر اشک ایک رمز ہے، ہر آہ ایک راز
پوچھے نہ کوئی اُن کے مِرے درمیاں کی بات
Har ashq ek ramz hai, har aah ek raaz
Pooche na koi un ke mere darmiyan ki baat
نعت اُن کے آستاں پہ پڑھوں جھُوم جھُوم کر
یارب! وہیں پہ جا کے کہوں، ہے جہاں کی بات
Naat un ke aastaan pe parhoon jhoom jhoom kar
Yarab! wahin pe ja ke kahoon, hai jahaan ki baat
میں یُوں تو کج کلاہوں کے دربار میں بہت
اُن میں کہاں سے آئے ترے آستاں کی بات
Main yun to kaj kalahon ke darbaar mein bohot
Un mein kahan se aaye tere aastaan ki baat
شہرِ نبیؐ کی یاد نے تڑپا دیا ہمیں
تم نے نصیرؔ! آج سُنا دی کہاں کی بات
Shehr-e-nabi ki yaad ne tadpa diya humein
Tum ne Naseer! aaj suna di kahaan ki baat
Share This Naat
Share with friends and family
چھِڑ جائے جس گھڑی شہِؐ کون و مکاں کی بات
سید نصیرالدیں نصیر