ایتھے اوتھے کل جہانیں درد غماں نے گھیر لئی
جس دے ولوں کملی والے جھات کرم دی پھیر لئی
Ithe othe kal jahaanen dard ghumaan ne gher laee
Jis de walon kamli walay jhaat karam di pheer laee
میرے ویہڑے وچ وی ہووے چانن اوہدیاں قدماں دا
جے اوہ میرا مدنی ماہی آ جائے تھوڑی دیر لئی
Mere vehde vich vi hove chanan ohdiyan qadmaan da
Je oh mera madni mahi aa jaaye thodi der laee
عشق کتاباں جنہاں پڑھیاں اوہ نہ ویخن حرفاں نوں
عقل وچاری گھمدی پھردی زبر پیش تے زیر لئی
Ishq kitaaban jinhan parhiyan oh na vekhan harfan nu
Aqal vichaari ghumdi phirdi zabar paish te zair laee
جیہڑا حق دی بولی بولے اوہ نہ کسے تو ڈردا اے
شیر وی رستہ چھڈ دیندے نیں اس اللہ دے شیر لئی
Jehrha haq di boli bole oh na kise to darda ae
Sher vi rasta chhad dinde ne is Allah de sher laee
حسن اے چنا چار دناں دا جس دا ایڈا مان کریں
کیہ کیہ جتن پیا کرنا اے ایس مٹی دے ڈھیر لئی
Husn ae chana chaar dinaan da jis da eda maan kare
Keh keh jatan piya karna ae is mitti de dher laee
نام نبی نے کج لئے پردے میں جئے اوہ گنہگاراں دے
ایخو نام وظیفہ بنیا میری شام سویر لئی
Naam nabi ne kuj laiye parde mein jiye oh gunahgaraan de
Ikho naam wazeefa baniya meri shaam soveer laee
نعتاں دی خوشبو ظہوریؔ تھاں تھاں ونڈدا پھرنا واں
ساری عمر گزاری میں اس پھلاں بھری چنگیر لئی
Naataan di khushboo Zahoori thaan thaan wandda firna waan
Saari umar guzaari mein is phulan bhari changeer laee
Share This Naat
Share with friends and family
ایتھے اوتھے کل جہانیں درد غماں نے گھیر لئی
محمد علی ظہوری