یاد محبوب کو سینے میں بسا رکھا ہے
دل کے ویرانے کو گلزار بنا رکھا ہے
Yaad mehboob ko seene mein basa rakha hai
Dil ke veerane ko gulzar bana rakha hai
ہے یقیں مجھ کو مرے گھر میں بھی آئیں گے حضور
میں نے یادوں کے دریچوں کو کھلا رکھا ہے
Hai yaqeen mujh ko mere ghar mein bhi aayenge Huzoor
Maine yaadon ke dareechon ko khula rakha hai
حسن محبوب کے اعجاز پہ صدقے جاؤں
اپنے دیوانے کو فرزانہ بنا رکھا ہے
Husn mehboob ke aijaaz pe sadqe jaaon
Apne deewane ko farzaana bana rakha hai
مجھ کو تسلیم گنہگار ہوں لیکن واعظ
یہ بھی تو دیکھ کہ دل کس سے لگا رکھا ہے
Mujh ko tasleem gunaahgaar hoon lekin waiz
Yeh bhi to dekh ke dil kis se laga rakha hai
کتنے خوش بخت ہیں جو در پہ ہیں تیرے حاضر
میرے آقا مجھے کیوں در سے جدا رکھا ہے
Kitne khush bakht hain jo dar pe hain tere haazir
Mere aaqa mujh ko kyun dar se juda rakha hai
بادشاہوں کو بھی لاتا نہیں خاطر میں کبھی
جس نے سر آپ کی چوکھٹ پہ جھکا رکھا ہے
Badshahon ko bhi laata nahi khaatir mein kabhi
Jis ne sar aap ki chaukhat pe jhuka rakha hai
تیری آمد کی مجھے آس لگی رہتی ہے
تیری راہوں میں نگاہوں کو بچھا رکھا ہے
Teri aamad ki mujhe aas lagi rehti hai
Teri raahon mein nigahon ko bicha rakha hai
کب زمانے کی ہوا اُس کو بجھا سکتی ہے
جو محبت کا دیا میں نے جلا رکھا ہے
Kab zamane ki hawa us ko bujha sakti hai
Jo mohabbat ka diya maine jala rakha hai
ذکر محبوب خدا کا ہے نیازی صدقہ
مجھ کو دنیا نے نگاہوں میں بٹھا رکھا ہے
Zikr mehboob-e-Khuda ka hai Niazi sadqa
Mujh ko duniya ne nigahon mein bitha rakha hai
Share This Naat
Share with friends and family
یاد محبوب کو سینے میں بسا رکھا ہے
عبدالستار نیازی