کتنا گناہگار ہُوں کتنا خراب ہُوں
دربارِ مصطفےٰ میں مگر باریاب ہُوں
Kitna gunahgaar hoon kitna kharaab hoon
Darbaar-e-Mustafa mein magar baaryaab hoon
مفہوم زندگی کا مِری اور کُچھ نہیں
مدحِ رسُولِ پاک کا لُبِّ لُباب ہُوں
Mafhoom zindagi ka meri aur kuch nahi
Madh-e-Rasool-e-Paak ka lubb-e-lubaab hoon
منسُوب ہُوں خُدا سے خُدا کے رسوُل سے
مَیں کامیاب ہُوں مَیں بہت کامیاب ہُوں
Mansub hoon Khuda se Khuda ke Rasool se
Main kaamyaab hoon main bohat kaamyaab hoon
آنکھیں مِلا کے بات نہ کر مُجھ سے آفتاب
مَیں ذرّۂ دیارِ رسالت مآب ہُوں
Aankhen mila ke baat na kar mujh se aafataab
Main zarrah-e-Diyaar-e-Risalat Maab hoon
مُجھ کو نہ کر سکے گی جُدا اُن سے موت بھی
دریائے کائنات ہیں وہ مَیں حباب ہُوں
Mujh ko na kar sakegi juda un se maut bhi
Daryaae kainaat hain woh main habaab hoon
وہ لحن ہوں ہوائیں جسے گنگنائیں گی
پڑھتا رہے گا عشق جسے وہ کتاب ہوں
Woh lahn hoon hawaen jise gungunaen gi
Pardhta rahega ishq jise woh kitaab hoon
وہ خاک پر چلیں تو ہُوں اُن کا نشانِ پا
اور شہسوار ہوں تو مَیں اُن کی رکاب ہُوں
Woh khaak par chalein to hoon un ka nishan-e-paa
Aur shahsawaar hoon to main un ki riqaab hoon
ہر شب جواب دِہ ہو مظفّر مِرا ضمیر
ہر ایک سانْس کے لیے روزِ حساب ہُوں
Har shab jawab deh ho Muzaffar mera zameer
Har ek saans ke liye roz-e-hisaab hoon
Share This Naat
Share with friends and family
کتنا گناہگار ہُوں کتنا خراب ہُوں
مظفر وارثی