میرے احساس میں تو ہے مرے کردار میں تو
پیاس سے بڑھ کے ہے پیمانہء اقرار میں تو
Mere ehsas mein tu hai mere kirdar mein tu
Pyaas se barh ke hai paiman-e-iqrar mein tu
اختیارات بھی لیتے ہیں اجازت تجھ سے
سر میں تو سر پہ سجائی ہوئی دستار میں تو
Ikhtiyaarat bhi lete hain ijazat tujh se
Sar mein tu sar pe sajai hui dastaar mein tu
دیدہء ظاہر و باطن سے تجھے پہچانا
پردہء خاک میں تو شاخِ ثمر دار میں تو
Deeda-e-zaahir o baatin se tujhe pehchaana
Parda-e-khaak mein tu shaakh-e-samar daar mein tu
اپنی آنکھوں میں لگاؤں تجھے سرمے کی طرح
نظر آجائے اگر کوچہ و بازار میں تو
Apni aankhon mein lagaun tujhe surme ki tarah
Nazar aajaye agar koocha o bazar mein tu
دیکھنے والی نظر دیکھ رہی ہے تجھ کو
آئنہ آ ئنہ تو پردہء اَسرار میں تو
Dekhne wali nazar dekh rahi hai tujh ko
Aaina aaina tu parda-e-asraar mein tu
مختلف زاویوں سے دیکھ رہا ہوں تجھ کو
دن میں تو رات میں تو پھول میں تو خار میں تو
Mukhtalif zaaviyon se dekh raha hoon tujh ko
Din mein tu raat mein tu phool mein tu khaar mein tu
رونق شام و سحر ہے ترے حرفِ کُن سے
فاصلہ فاصلہ تو وقت کی رفتار میں تو
Ronaq-e-shaam o sehar hai tere harf-e-kun se
Faasla faasla tu waqt ki raftaar mein tu
زندگی آب و ہوا رزق اجل سب کے لئے
اپنے منکر میں ہے تو اپنے طلب گار میں تو
Zindagi aab o hawa rizq ajal sab ke liye
Apne munkir mein hai tu apne talabgaar mein tu
Share This Naat
Share with friends and family
میرے احساس میں تو ہے
مظفر وارثی