اے میرے مولا ترِی دہائی تُو میری توبہ قبول کر لے
ہے تیری محتاج کل خدائی تُو میری توبہ قبول کر لے
Ae mere Maula teri dehai tu meri tauba qabool kar le
Hai teri mohtaj kul khudai tu meri tauba qabool kar le
شباب لہو و لعب میں گزرا تو اب بڑھاپے میں ہوں پریشاں
کہ عمر ساری یونہی گنوا ئی، تُو میری توبہ قبول کر لے
Shabaab lahu o laib mein guzra to ab burhape mein hoon pareshan
Ke umr saari yunhi gunwai, tu meri tauba qabool kar le
کہ حرص دنیا میں عمر بیتی سو تیرے در سے رہا تغا فل
یہ دنیا داری نہ کام آئی تُو میری توبہ قبول کر لے
Ke hirs duniya mein umr biti so tere dar se raha tghaful
Ye duniya daari na kaam aai tu meri tauba qabool kar le
ترِا کرم ہو ، نبیؐ کی پہچاں ، لحد کی منزل بھی ہوگی آساں
وگرنہ دکھتی ہے گہری کھائی تُو میری توبہ قبول کر لے
Tera karam ho, Nabi ki pehchan, lahad ki manzil bhi hogi asaan
Warna dukhti hai gehri khai tu meri tauba qabool kar le
یہ تیرے محبوب کی محبت، انہی کی مدحت میں عمر بیتی
ہے زندگی کی یہی کمائی تُو میری توبہ قبول کر لے
Ye tere mehboob ki mohabbat, inhi ki madahat mein umr biti
Hai zindagi ki yehi kamayee tu meri tauba qabool kar le
طفیل اپنے نبیؐ کے مولا ! کرم ہو مجھ پر کہ اس سے پہلے
بدن سے ہو روح کی جدائی تُو میری توبہ قبول کر لے
Tufail apne Nabi ke Maula! karam ho mujh par ke is se pehle
Badan se ho rooh ki judai tu meri tauba qabool kar le
جلیل کا تو سوا نبیؐ کے مرِے خدا آسرا نہیں ہے
انہی کے صدقے میں دے رہائی تُو میری توبہ قبول کر لے
Jaleel ka to sawa Nabi ke mere Khuda asra nahi hai
Inhi ke sadqe mein de rehai tu meri tauba qabool kar le
Share This Naat
Share with friends and family
اے میرے مولا ترِی دہائی
حافظ عبدالجلیل