گھمکول کی وادی کے ہیں رنگ جدا گانہ
رندوں کی یہ بستی ہے ماحول ہے رندانہ
Ghamkol ki wadi ke hain rang juda gana
Randon ki yeh basti hai mahol hai randana
جس وقت جہاں سے بھی میخوار چلے آئیں
ہر آن کھلا دیکھا ساقی ترا میخانہ
Jis waqt jahan se bhi maikhaar chale aain
Har aan khula dekha saqi tera maikhana
وہ جام محبت کے بھر بھر کے پلاتے ہیں
گھمکول کے ساقی کا گردش میں ہے پیمانہ
Woh jaam mohabbat ke bhar bhar ke pilatay hain
Ghamkol ke saqi ka gardish mein hai paimana
جب ذکرِ الٰہی کے یاں جام چھلکتے ہیں
پھر گونجنے لگتا ہے اک نعرۂ مستانہ
Jab zikr-e-ilahi ke yan jaam chhalakte hain
Phir goonjne lagta hai ik nara-e-mastana
دہلیز پہ سلطاں کی دیکھانہ قلندر کو
سلطان یہاں لیکن آتے ہیں غلامانہ
Dahleez pe sultan ki dekhana qalandar ko
Sultan yahan lekin aate hain ghulamana
حق بات سدا کہتے ہو سامنے کوئی بھی
تھا فقر طبیعت میں پر رعب تھا شاہانہ
Haq baat sada kehtay ho samne koi bhi
Tha faqr tabiyat mein par roab tha shahaanah
گھمکول کے خواجہ کی یہ زندہ کرامت ہے
یہ کوہ و دمن روشن آباد یہ ویرانہ
Ghamkol ke khawaja ki yeh zinda karamat hai
Yeh koh o daman roshan abad yeh verana
کیا عجزکے پیکر ہیں وارث مرے خواجہ کے
بس دل میں اترتا ہے انداز فقیرانہ
Kya ajaz ke paikar hain waris mere khawaja ke
Bas dil mein utarta hai andaaz faqirana
اتنی سی تمنا ہے بس آج مرے خواجہ
آیا ہے جلیل، اس کا منظور ہو نذرانہ
Itni si tamanna hai bas aaj mere khawaja
Aaya hai Jaleel, us ka manzoor ho nazrana
Share This Naat
Share with friends and family
گھمکول کی وادی کے ہیں
حافظ عبدالجلیل