رونق ہو زندگی کی اِس میں بہار تُم سے
آتا ہے دل و جاں کو آقا ! قرار تُم سے
Ronak ho zindagi ki is mein bahar tum se
Aata hai dil o jaan ko aaqa! qarar tum se
سب عزّتیں تمہارے ہی نام سے جُڑی ہیں
جس کو ملا ہے ، جتنا ، سارا وقار تُم سے
Sab izzatien tumhare hi naam se juri hain
Jis ko mila hai, jitna, saara waqar tum se
شام و سحر فرشتے اترے تمہارے در پر
انوار کی ہے آقا ! یہ آبشار تُم سے
Shaam o seher farishte utre tumhare dar par
Anwaar ki hai aaqa! yeh aabshaar tum se
پڑھتے گئے جو سیرت ، ہوتے گئے سبھی پر
اسرار زندگی کے سب آشکار تُم سے
Parhte gaye jo seerat, hote gaye sabhi par
Asrar zindagi ke sab aashkaar tum se
ہر غمزدہ کو آقا ! تم نے گلے لگایا
تسکین پا رہے ہیں سب دل فگار تُم سے
Har ghamzada ko aaqa! tum ne gale lagaya
Taskeen paa rahe hain sab dil figar tum se
اِک بار جس نے چُوما آقا ! ترے قدم کو
مہکی ہوئی ہے اب تک وہ رہ گزار تُم سے
Ik baar jis ne chuma aaqa! tRay qadam ko
Mehki hui hai ab tak woh reh guzaar tum se
یثرب ہوا مدینہ تم ہی سے میرے آقا
رہتی ہیں یہ فضائیں سب مُشکبار تُم سے
Yasrab hua Madina tum hi se meray aaqa
Rehti hain yeh fazaien sab mushkbaar tum se
یہ بے ہُنر ، نکمّا ، دامن عمل سے خالی
آیا ہے پھربھی در پر، ہے شرم سار تُم سے
Yeh be hunar, nikamma, daaman amal se khaali
Aaya hai phir bhi dar par, hai sharm saar tum se
سرکارْ ! عاصیوں کے تُم ہو شفیعِ محشر
عبدِ جلیل کا ہے، یہ اعتبار تُم سے
Sarkar! aasiYoun ke tum ho shafiY e mahshar
Abd e Jaleel ka hai, yeh aitbaar tum se
Share This Naat
Share with friends and family
رونق ہو زندگی کی اِس میں بہار تُم سے
حافظ عبدالجلیل