Hamad
الٰہ العالمیں تیرے کرم کی آشتی میں ہوں
الٰہ العالمیں تیرے کرم کی آشتی میں ہوں
تیرے احکامِ مطلق کی مسلسل روشنی میں ہوں
Ilah al-almeen tere karam ki aashti mein hon
Tere ehkaam-e-mutlaq ki musalsal roshni mein hon
میں حمدِ خالقِ ارض و سما کی روشنی میں ہوں
بفضلِ رب رسولِ مجتبیٰ کی رہبری میں ہوں
Mein hamd-e-khaliq-e-arz o sama ki roshni mein hon
Bafazl-e-Rab Rasool-e-Mujtaba ki rehri mein hon
جب احکامِ شریعت سے گریزاں زندگی میں ہوں
تو پھر کیسے کہوں میں یہ کہ ترے خوف ہی میں ہوں
Jab ehkaam-e-shariat se guraizaan zindagi mein hon
Toh phir kaise kahon mein yeh ke tere khauf hi mein hon
ترے احکام سے بڑھ کر میں جب ہوتا ہوں دنیا کا
گماں ہوتا ہے یہ عشقِ بتانِ آذری میں ہوں
Tere ehkaam se barh kar mein jab hota hon duniya ka
Gumaan hota hai yeh ishq-e-butaan-e-Aazari mein hon
ہے دھند لایا ہوا قول و عمل کا آئینہ میرا
تو پھر کیسے کہوں ربِّ علا کی روشنی میں ہوں
Hai dhund laya hua qoul o amal ka aaina mera
Toh phir kaise kahon Rab-e-ala ki roshni mein hon
تکبر کذب و غیبت سے کنارا کرلیا میں نے
رسولِ پاکﷺ نے بخشی ہے جو اُس روشنی میں ہوں
Takabbur kazb o gheebat se kinara karliya mein ne
Rasool-e-Pakﷺ ne bakhshi hai jo us roshni mein hon
تیرا عرفانِ کامل اُن کی سیرت سے ہی ملتا ہے
کہ جو ہیں عارفِ با اللہ میں ان کی رہبری میں ہوں
Tera irfaan-e-kamil un ki seerat se hi milta hai
Ke jo hain aarf-e-ba Allah mein un ki rehri mein hon
خدا کا خوف بھی دل میں، ہے دولت عجز کی حاصل
بہت ہوں مطمئن جس روز سے میں عاجزی میں ہوں
Khuda ka khauf bhi dil mein, hai daulat ajz ki hasil
Bahut hon mutma'in jis roz se mein aajzi mein hon
خدا کے فضل سے خوش ہوں غمِ دنیا نہیں مجھ کو
جہاں دولت سکوں کی ہے، اُسی اک جھونپڑی میں ہوں
Khuda ke fazl se khush hon gham-e-duniya nahi mujko
Jahan daulat sukoon ki hai, usi ek jhonpri mein hon
وہ ہے دینِ براہیمی، جو ہے ختم الرسل کا دیں
الٰہ العالمیں صد شکر میں اس آگہی میں ہوں
Woh hai deen-e-Brahimi, jo hai khatm al-rusl ka deen
Ilah al-almeen sad shukar mein is aagahi mein hon
شعورِ عبدیت تونے ہی بخشا ہے مجھے یارب
یہ تیرا ہی کرم ہے کہ میں تیری بندگی میں ہوں
Shaoor-e-abdiyat tune hi bakhsha hai mujhe Yarub
Yeh tera hi karam hai ke mein teri bandagi mein hon
کرم ماں باپ کی ممتا میں اے طاہر خدا کا ہے
دعائیں ہیں مجھے ماں باپ کی میں آشتی میں ہوں
Karam maan baap ki mamta mein ae Tahir Khuda ka hai
Duaen hain mujhe maan baap ki mein aashti mein hon
Share This Naat
Share with friends and family
الٰہ العالمیں تیرے کرم کی آشتی میں ہوں
طاہر سلطانی