بندگی رب کی کرو یہ بات آقاﷺ نے کہی
آؤ لوگو! صدقِ دل سے کرلیں رب کی بندگی
Bandagi Rab ki karo yeh baat aaqaﷺ ne kahi
Aao logon! sidq-e-dil se karlen Rab ki bandagi
ہے تکبر اُس کو زیبا خالق و مالک ہے وہ
حکم چلتا ہے اُسی کا اس کو حاصل برتری
Hai takabbur us ko zebra Khaaliq o Maalik hai woh
Hukm chalta hai usi ka us ko hasil bartari
آب و گل، شمس و قمر، بادِ صبا اور آسماں
عقل حیراں دیکھ کر ہے نعمتیں یہ قدرتی
Aab o gil, shams o qamar, baad-e-saba aur aasmaan
Aqal hairan dekh kar hai nimatein yeh qudrati
کس نے دیکھا ہے خدا کو، کون سمجھا ہے اُسے
سیّدِ عالم کے ذریعے سے ملی ہے آگہی
Kis ne dekha hai Khuda ko, kon samjha hai usay
Sayed-e-Aalam ke zariye se mili hai aagahi
فیصلہ اللہ نے یوں کردیا قرآن میں
سرفرازی ہے اُسی کو جو بڑا ہے متقّی
Faislah Allah ne yun kardiya Qur’an mein
Sarfarazi hai usi ko jo bara hai muttaqi
حمد رب نعت رسول پاک عنواں جس کا ہو
سب سے افضل سب سے بہتر ہے وہی تو شاعری
Hamd Rab naat Rasool Paak unwan jis ka ho
Sab se afzal sab se behtar hai wohi to shairi
رب عالم تیری طاعت اور ترے محبوب کی
تیرے کہنے کے مطابق کرسکیں ہم پیروی
Rab Aalam teri ta'at aur tere mahboob ki
Tere kahne ke mutabiq kar sakain hum pairawi
ربِّ عالم جب کسی سے راضی ہوجائے تو پھر
اُس کے گھر کا راستہ معلوم کرتی ہے خوشی
Rab-e-aalam jab kisi se raazi ho jaye to phir
Us ke ghar ka rasta maaloom karti hai khushi
موت کو بھی یاد رکھنا، فکرِ محشر بھی رہے
لمحہ لمحہ کہہ رہی ہے تجھ سے طاہرؔ زندگی
Maut ko bhi yaad rakhna, fikr-e-mashar bhi rahe
Lamha lamha keh rahi hai tujh se Tahirؔ zindagi
Share This Naat
Share with friends and family
بندگی رب کی کرو یہ بات آقاﷺ نے کہی
طاہر سلطانی