گناہوں کی نحوست بڑھ رہی ہے دم بدم مولیٰ
میں توبہ پر نہیں رہ پارہا ثابِت قدم مولٰی
Gunahon ki nuhusat barh rahi hai dam badam mola
Main toba par nahi reh paraha sabit qadam mola
کمر توڑی ہے عصیاں نے، دبایا نفس و شیطاں نے
نہ کرنا حشر میں رُسوا، مِرا رکھنا بھرم مولٰی
Kamar todi hai asyan ne, dbaya nafs o shaitan ne
Na karna hashr mein ruswa, mera rakhna bharam mola
گناہوں نے مجھے ہائے! کہیں کا بھی نہیں چھوڑا
کرم ہو از طفیلِ سیِّدِ عَرب و عجم مولٰی!
Gunahon ne mujhe haaye! Kahin ka bhi nahi chhora
Karam ho az tufail-e-Sayyid-e-Arab o Ajm mola!
اندھیری قبر کا احساس ہے پھر بھی نہیں جاتیں
گناہوں کی خدایا عادتیں ، فرما کرم مولٰی
Andheri qabr ka ehsas hai phir bhi nahi jatin
Gunahon ki khudaaya aadaten, farma karam mola
نہ کرنا حَشْر میں پُرسِش مری ہوبے سبب بخشش
عطا کر باٖغِ فردوس از پئے شاہِ اُمَم مولٰی
Na karna hashr mein pursish mari ho be sabab bakshish
Ata kar bagh-e-firdous az pye Shah-e-umam mola
گنہ کرتے ہوئے گر مر گیا تو کیاکروں گا میں
بنے گا ہائے میرا کیا کرم فرما کرم مولٰی
Gunah karte hue gar mar gaya to kya karunga main
Banega haaye mera kya karam farma karam mola
خِرَد کرتی نہیں اب کام الٰہی! میں ہوا ناکام
تجھی سے التجا ہے مجھ پہ کر رَحم و کرم مولٰی
Khirad karti nahi ab kaam ilahi! Main hua nakaam
Tujhi se iltija hai mujh pe kar rahm o karam mola
مسلماں ہوں اگر چہ بد ہوں ، سچّے دل سے کرتاہوں
ترے ہرحکم کے آگے سرِ تسلیم خم مولٰی
Musalman hun agar che bad hun, sache dil se karta hun
Tere har hukum ke aage sar-e-tasleem khum mola
تو ڈراپنا عنایت کر رہیں اس ڈر سے آنکھیں تر
مٹا خوفِ جہاں دل سے مٹا دنیا کا غم مولٰی
Tu dra apna inayat kar rahin is dar se ankhen tar
Mita khauf-e-jahan dil se mita duniya ka gham mola
تُو بس رہنا سدا راضی، نہیں ہے تابِ ناراضی
تو نا خوش جس سے ہو برباد ہے تیری قسم مولٰی
Tu bas rehna sada razi, nahi hai tab-e-narazi
Tu na khush jis se ho barbad hai teri qasam mola
چلوں دنیا سے میں اس شان سے اے کاش! یااللہ
شہِ اَبرار کی چوکھٹ پہ سر ہو میرا خم مولٰی
Chalun duniya se main is shan se ai kash! Ya Allah
Shah-e-abrar ki chaukhat pe sar ho mera khum mola
سنہری جالیوں کے سامنے اے کاش! ایسا ہو
نکل جائے رسولِ پاک کے جلووں میں دم مولٰی
Sunehri jaliyon ke samne ai kash! Aisa ho
Nikal jaye Rasool-e-Pak ke jalwon mein dam mola
عطا کر عافیت تو نَزْع و قَبْر وحَشْر میں یارب
وسیلہ فاطِمہ زَہرا کا کر لطف و کرم مولٰی
Ata kar aafiyat tu naza o qabr o hashr mein ya Rab
Waseela Fatima Zahra ka kar lutf o karam mola
الٰہی پُلْ صراط اِک پَل کے اندر پارکرجاؤں
تو کر ایسی عنایت از پئے شاہِ حرم مولٰی
Ilahi pul sirat ik pal ke andar paar karjaun
Tu kar aisi inayat az pye Shah-e-Haram mola
میں رحمت ، مغفِرت ،دوزخ سے آزادی کاسائل ہوں
مہِ رمضان کے صدقے میں فرمادے کرم مولٰی
Main rehmat, maghfirat, dozakh se azadi ka sail hun
Mah-e-Ramzan ke sadqey mein farma de karam mola
بَراءَ ت دے عذابِ قبر سے نارِ جہنَّم سے
مہِ شعبان کے صدقے میں کر فضل و کرم مولٰی
Bara'at de azab-e-qabr se naar-e-jahannam se
Mah-e-Shaban ke sadqey mein kar fazl o karam mola
عبادت میں ، ریاضت میں ، تلاوت میں لگا دے دل
رجب کا واسِطہ دیتاہوں فرما دے کرم مولٰی
Ibadat mein, riyazat mein, tilawat mein laga de dil
Rajab ka wasita deta hun farma de karam mola
بنا مجھ کو محمد مصطَفٰے کا عاشِقِ صادِق
تُو دیدے سوزِ سینہ کر عنایت چشمِ نَم مولٰی
Bana mujh ko Muhammad Mustafa ka aashiq-e-sadiq
Tu dede soz-e-seena kar inayat chashm-e-nam mola
نہیں درکار وہ خوشیاں ، جو غفلت کا بنیں ساماں
عطا کر اپنی الفت اپنے پیارے کا تُو غم مولٰی
Nahi darkar wo khushiyan, jo ghaflat ka banen saamaan
Ata kar apni ulfat apne pyare ka tu gham mola
غمِ عشقِ نبی ایسا عطا فرماپئے مرشد
ہو نعتِ مصطَفٰے سنتے ہی میری آنکھ نَم مولٰی
Gham-e-ishq-e-nabi aisa ata farma pye murshid
Ho naat-e-Mustafa sunte hi meri aankh nam mola
بچیں بے کار باتوں سے پڑھیں اے کاش کثرت سے
ترے محبوب پر ہر دم دُرُودِ پاک ہم مولٰی
Bachain bekaar baton se parhain ai kash kasrat se
Tere mehboob par har dam durood-e-Pak hum mola
ہماری فالتو باتوں کی عادت دُور ہو جائے
لگائیں مُستقل قفلِ مدینہ لب پہ ہم مولٰی
Hamari faaltu baton ki aadat door ho jaye
Lagayein mustaqil qafl-e-Madinah lab pe hum mola
جسے نیکی کی دعوت دوں اُسے دیدے ہدایت تُو
زُباں میں دے اثر کردے عطا زورِ قلم مولٰی
Jise neki ki dawat doon use dede hidayat tu
Zabaan mein de asar karde ata zor-e-qalam mola
الٰہی ہر مبلِّغ پیکرِ اِخلاص بن جائے
کرم ہو دعوتِ اسلامی والوں پرکرم مولٰی
Ilahi har muballigh paikar-e-ikhlas ban jaye
Karam ho dawat-e-Islami walon per karam mola
زمانے کے مصائب نے الٰہی گھیر رکھا ہے
پئے شاہِ مدینہ دور ہوں رنج و اَلَم مولٰی
Zamane ke masaaib ne ilahi gher rakha hai
Pye Shah-e-Madinah door hon ranj o alam mola
رسولِ پاک کی دکھیاری امّت پرعنایت کر
مریضوں ، غمزدوں ، آفت نصیبوں پر کرم مولٰی
Rasool-e-Pak ki dukhiyari ummat par inayat kar
Mareezon, ghamzadoon, aafat naseeboon par karam mola
پئے شاہِ مدینہ اب مُشرَّف حج سے فرما دے
چلے عطّارؔ پھر روتا ہوا سُوئے حرم مولٰی
Pye Shah-e-Madinah ab musharraf haj se farma de
Chale Attar phir rota hua soo-e-Haram mola
Share This Naat
Share with friends and family
گناہوں کی نحوست بڑھ رہی ہے دم بدم مولیٰ
الیاس عطار قادری