ازمکاں تا لامکاں پروردگار
رحم تیرا بیکراں پروردگار
Azmakaan ta laamakaan parwardigar
Rehm tera beekaraan parwardigar
ہَے صفات و ذات میں تُو لا شریک
مثل تیری ہَے کہاں پروردگار
Ha safaat o zaat mein tu la shareek
Misl teri ha kahan parwardigar
ہے ترنم ریز تیری حمد میں
وسعتِ کون و مکاں پروردگار
Hai tarannum rez teri hamd mein
Wus'at-e koan o makaan parwardigar
تیرے ہی اذکار سے ہے چار سُو
کیف و مستی کا سماں پروردگار
Tere hi azkaar se hai chaar soo
Kaif o masti ka samaan parwardigar
عالمِ بے چارگی میں چارہ گر
تو ہی تو ہے مہرباں پروردگار
Aalam-e bay charagi mein charah gar
Tu hi tu hai mehrbaan parwardigar
تیری قدرت ہی تری پہچان ہے
تو عیاں ہو یا نہاں پروردگار
Teri qudrat hi teri pehchaan hai
Tu ayaan ho ya nahaan parwardigar
معترف کب سے ہیں تیری ذات کے
یہ زمین و آسماں پروردگار
Mutarif kab se hain teri zaat ke
Yeh zameen o aasmaan parwardigar
تو نے بخشا ہے ہمیں اپنا حبیبؐ
تجھ پہ قرباں اپنی جاں ، پروردگار
Tu ne bakhsha hai humein apna habib (S.A.W)
Tujh pe qurbaan apni jaan, parwardigar
Share This Naat
Share with friends and family
ازمکاں تا لامکاں پروردگار
اسلم فیضی