کاتبِ تقدیر نے یہ سانحہ کیسا لکھا؟
بہتے دریا کے لبوں پر پیاس کا صحرا لکھا
Katib-e-taqdeer ne yeh sanha kaise likha?
Behtay dariya ke labon par pyaas ka sehra likha
کس نے اُس کی چھائوں میں کردی ملاوٹ دھوپ کی
غیرکے سر پر بھی جس نے دُھوپ میں سایہ لکھا
Kis ne us ki chhaon mein kardi milawat dhoop ki
Ghair ke sar par bhi jis ne dhoop mein saya likha
سرِنگوں سچائی کو کب کر سکی تیغِ ستم
جرأتِ شبیرؓ نے حرفِ وفا کیسا لکھا
Sar-e-nagoon sachai ko kab kar saki tegh-e-sitam
Jurrat-e-Shabbirؓ ne harf-e-wafa kaise likha
کربلا میں کِشتِ دیں کی آبیاری کے لئے
پیاس کے ماروں نے اپنے خُون کا دریا لکھا
Karbala mein kisht-e-deen ki aabiyari ke liye
Pyaas ke maaron ne apne khoon ka dariya likha
رَو پڑی ہو گی اجل اُس سنسناتے تیر پر
گردنِ اصغرؓ پہ جس نے زخم اِک گہرا لکھا
Ro padi ho gi ajal us sansanate teer par
Gardan-e-Asgharؓ pe jis ne zakhm ik gahra likha
سیّدہ زینبؓ! تِرے صبر و تحمل کو سلام
تُو نے لوحِ زندگی پر حوصلہ کیسا لکھا؟
Syeda Zainabؓ! tere sabr o tahammul ko salaam
Tu ne loh-e-zindagi par hosla kaise likha?
جب بھی نکلا عدل کو یکسر مٹانے کے لئے
ظُلم نے فیضیؔ خود اپنی قبر کا کتبہ لکھا
Jab bhi nikla adl ko yksar mitane ke liye
Zulm ne Faiziؔ khud apni qabr ka kutba likha
Share This Naat
Share with friends and family
کاتبِ تقدیر نے یہ سانحہ کیسا لکھا؟
اسلم فیضی