رضائے غوث احمد کی رضا ہے
رضا احمد کی مرضیِ خدا ہے
Raza-e Ghaus Ahmed ki raza hai
Raza Ahmed ki marzi-e Khuda hai
کمالات و علومِ مصطفیٰ سے
شہِ جیلاں تجھے حصہ ملا ہے
Kamalaat o uloom-e Mustafa se
Shah-e Jeelaan tujhe hissa mila hai
تو آئینہ جمالِ مصطفیٰ کا
تو حق گو حق شناس و حق نما ہے
Tu aaiina jamal-e Mustafa ka
Tu haq go haq shanas o haq numa hai
جنابِ مصطفیٰ ظلِ خدا ہیں
تو ظلِ مصطفیٰ نورِ خدا ہے
Janaab-e Mustafa zil-e Khuda hain
Tu zil-e Mustafa noor-e Khuda hai
ترے ہم ہوچکے تو ہے ہمارا
خدا کا تو ہے اور تیرا خدا ہے
Tere hum ho chuke tu hai hamara
Khuda ka tu hai aur tera Khuda hai
جو منکر ہے ترا وہ حق کا منکر
جو بندہ ہے ترا عبدِ خدا ہے
Jo munkar hai tera woh haq ka munkar
Jo banda hai tera abd-e Khuda hai
ترا منگتا ہے مقبولِ الٰہی
ترے منکر پہ قہرِ کبریا ہے
Tera mangta hai maqbool-e Ilahi
Tere munkar pe qahr-e kibriya hai
مُحِیُّ الدِّیں نہ کیوں ہو نام تیرا
کہ تو نے دینِ حق زندہ کیا ہے
Muhi-ud-din na kyun ho naam tera
Ke tu ne deen-e haq zinda kiya hai
کوئی بغداد والے سے یہ کہہ دے
کہ وقت اِسلام پر آکر پڑا ہے
Koi Baghdad wale se yeh keh de
Ke waqt Islam par aakar pada hai
کوئی ہو اس طرف رحمت کا پھیرا
کہ بندہ راہ تیری تک رہا ہے
Koi ho is taraf rahmat ka phera
Ke banda rah teri tak raha hai
کدھر ہو قادری دولہا کدھر ہو
یہ ہر مجرم کے لب پر اِلتجا ہے
Kidhar ho Qadri dulha kidhar ho
Yeh har mujrim ke lab par iltija hai
شرف کس سے بیاں ہو تیرے سر کا
وَلی کا تاج تیرا نقشِ پا ہے
Sharaf kis se bayaan ho tere sar ka
Wali ka taaj tera naqsh-e pa hai
قدم تیرا لیا ہے جس نے سر پر
وہ بے شبہہ وَلیِّ باخدا ہے
Qadam tera liya hai jis ne sar par
Woh be shubha wali-e bakhuda hai
نہ کیوں ہوں ہند کے سلطان خواجہ
کہ آنکھوں پر قدم تیرا لیا ہے
Na kyun hoon Hind ke Sultan Khwaja
Ke aankhon par qadam tera liya hai
ولی کہتے ہیں جن کو ہیں رَعیت
شہِ بغداد شاہِ اَولیا ہے
Wali kehte hain jin ko hain raaiyat
Shah-e Baghdad Shah-e Awliya hai
تو ہے وہ پھول باغِ مصطفیٰ کا
کہ خوشبو سے تیری عالم بسا ہے
Tu hai woh phool bagh-e Mustafa ka
Ke khushboo se teri aalam basa hai
تو زَہرا و علی کا نورِ عینین
تو شمعِ بزمِ شاہِ کربلا ہے
Tu Zahra o Ali ka noor-e ainen
Tu shama-e bazm-e Shah-e Karbala hai
حسن کے پھول مہکا تجھ سے بغداد
حسینی عطر تو سب میں بسا ہے
Hasan ke phool mehka tujh se Baghdad
Husaini itr tu sab mein basa hai
شہیدِ عشق کر رَنگت رَچا دے
کہ تو اِبنِ شہیدِ کربلا ہے
Shaheed-e ishq kar rangat racha de
Ke tu ibn-e Shaheed-e Karbala hai
سلاطینِ جہاں ہیں اُس کے منگتا
جو تیرے آستانے کا گدا ہے
Salateen-e jahan hain us ke mangta
Jo tere aastane ka gadaa hai
مریضانِ جہاں کی فضلِ رَب سے
تمہارے ہاتھ میں کامل دَوا ہے
Mareezan-e jahan ki fazl-e Rab se
Tumhare haath mein kaamil dawa hai
شفا چاہو تو جلد آؤ مریضو
درِ غوثُ الوریٰ دَارُالشفا ہے
Shifa chaho to jald aao mareezo
Dar-e Ghaus-ul-warah dar-ul-shifa hai
لگا ہے دل غلاموں کا ٹھکانے
مُرِیْدِی لَا تَخَفْ جب سےسنا ہے
Laga hai dil ghulamon ka thikane
Mureedi la takhaf jab se suna hai
ترے دَربارِ پُر اَنوار سے غوث
کوئی بھی لوٹ کر خالی پھرا ہے
Tere darbar-e pur anwar se Ghaus
Koi bhi loot kar khaali phira hai
جو دَم میں چور کو اَبدال کردے
وہ رُتبہ غوثِ اَعظم کو ملا ہے
Jo dam mein chor ko abdal karde
Woh rutba Ghaus-e Azam ko mila hai
جہاں پھیلا دے جھولی اُن کا منگتا
وہیں موجود داتا کی عطا ہے
Jahan phela de jholi unka mangta
Wahin maujood data ki ata hai
ہماری مشکلیں آسان کردے
کہ تو اِبنِ علی مشکل ُکشا ہے
Hamari mushkilein aasan karde
Ke tu ibn-e Ali mushkil kasha hai
مٹا دے زور اَعدائے لعیں کا
کہ تو اِبنِ علی شیر خدا ہے
Mita de zor a'daye laeen ka
Ke tu ibn-e Ali sher Khuda hai
جو دربارِ الٰہی میں ہو پرسش
تو کہہ دینا کہ یہ بندہ مرا ہے
Jo darbar-e Ilahi mein ho pursish
To keh dena ke yeh banda mera hai
عمل والے تو ہیں نازاں عمل پر
مجھے یاغوث تیرا آسرا ہے
Amal wale to hain nazaan amal par
Mujhe ya Ghaus tera aasra hai
بلاؤں میں گھرا ہے تیرا بندہ
خبر لے غوث تیرا آسرا ہے
Balaon mein ghira hai tera banda
Khabar le Ghaus tera aasra hai
بھنور میں پھنس گیا میرا سفینہ
مدد فرما کہ تیرا آسرا ہے
Bhanwar mein phans gaya mera safeena
Madad farma ke tera aasra hai
نکیرین آگئے میری لحد میں
مرے غوث اب تو تیرا آسرا ہے
Nakeeren aa gaye meri lahd mein
Mere Ghaus ab to tera aasra hai
ہےنیک و بد کی پرسش اور میں عاصی
مرے غوث آج تیرا آسرا ہے
Hai nek o bad ki pursish aur mein aasi
Mere Ghaus aaj tera aasra hai
سیہ ہیں نامۂ اَعمال میرے
مرے غوث آج تیرا آسرا ہے
Siyah hain nama-e amaal mere
Mere Ghaus aaj tera aasra hai
میں مجرم اور دَربارِ عدالت
مرے غوث آج تیرا آسرا ہے
Main mujrim aur darbar-e adaalat
Mere Ghaus aaj tera aasra hai
وہی کر جو مرے حق میں ہو بہتر
کہ تو شاہِ عطا بحرِ سخا ہے
Wohi kar jo mere haq mein ho behtar
Ke tu Shah-e ata bahr-e sakha hai
غلاموں کا نہ کیوں ہو پار بیڑا
کہ ان کے ہاتھ میں دامن ترا ہے
Ghulamon ka na kyun ho paar beira
Ke unke haath mein daaman tera hai
گلی ہو غوث کی اور میرا بستر
الٰہی بس یہ اپنی التجا ہے
Gali ho Ghaus ki aur mera bistar
Ilahi bas yeh apni iltija hai
جمیلؔ قادری پھیلا دے جھولی
کہ ان کے دَر سے باڑا بٹ رہا ہے
Jameel Qadri phela de jholi
Ke unke dar se bara bat raha hai
Share This Naat
Share with friends and family
رضائے غوث احمد کی رضا ہے
جمیل الرحمن قادری