شہرِ خزاں کو اے مرے مولا نکھار دے
موسم بہار کا اِسے پھر کردگار دے
shahr-e-khiza ko ae mere mola nikhar de
mausam-e-bahar ka ise phir kardagaar de
عصیاں کا بوجھ سر سے ہمارے اُتار دے
یارب تو پُل صراط سے ہم کو گزار دے
isyawn ka bojh sar se hamaare utaar de
yarab tu pul sirat se hum ko guzaar de
رہزن بنے ہوئے ہیں ہمارے یہ حکمراں
حاکم ہمیں تُو نیک دے اور باوقار دے
rahzan bane hue hain hamaare ye hukmra
haakim humein tu naik de aur ba waqar de
مظلوم! کے لبوں پہ صدائیں ہیں اب یہی
ظالم کو اب تو اور نہ راہِ فرار دے
mazloom! ke labon pe sdaayen hain ab yehi
zaalim ko ab tu aur na rah-e-farar de
ہے حکمراں کوئی تو، غلامی میں ہے کوئی
مولا! تو جس کو چاہے اُسے اختیار دے
hai hukmraan koi to, ghulami mein hai koi
mola! tu jis ko chahe usay ikhtiyaar de
کاسہ کسی کے ہاتھ میں، ہے تاجور کوئی
’’یہ اُس کی دین ہے جسے پروردگار دے‘‘
kasah kisi ke hath mein, hai tajwar koi
’’ye us ki deen hai jisay parwardigar de’’
طاہرؔ ہے ملکِ پاک لہو رنگ آج کل
اے ربِّ کائنات کرم کی بہار دے
tahir hai mulk-e-paak lahu rang aaj kal
ae rab-e-kainat karam ki bahar de
Share This Naat
Share with friends and family
شہرِ خزاں کو اے مرے مولا نکھار دے
طاہر سلطانی