اللہ کے احکام ہی پہ میری نظر ہے
اللہ نے جو فرمایا مِری راہ گزر ہے
Allah ke ahkam hi pe meri nazar hai
Allah ne jo farmaya meri raah guzar hai
قرآنِ مبیں سب کے لیے نورِ سحر ہے
اللہ رے ہر حرف میں نکہت کا اثر ہے
Qur'an-e-mubin sab ke liye noor-e-sehar hai
Allah re har harf mein nikh'at ka asar hai
مومن کے لیے دل کا سکوں نورِ نظر ہے
ہر در سے مقدّس ہے جو اللہ کا گھر ہے
Momin ke liye dil ka sukoon noor-e-nazar hai
Har dar se muqaddas hai jo Allah ka ghar hai
اللہ ہی فقط جانتا ہے حال دِلوں کے
جو کچھ بھی کسی دل میں ہے اللہ کو خبر ہے
Allah hi faqat jaanta hai haal dilon ke
Jo kuch bhi kisi dil mein hai Allah ko khabar hai
اللہ کی رحمت کے شجر اس میں ہیں لاکھوں
کعبہ ہی مِری زیست کی اِک راہ گزر ہے
Allah ki rehmat ke shajar is mein hain laakhon
Kaaba hi meri zeest ki ik raah guzar hai
انساں کو بناتا ہے یہی طاہر و طیّب
کعبے کا سفر رُوح کی خوشبو کا سفر ہے
Insaan ko banata hai yahi taahir o tayyab
Kaabe ka safar rooh ki khushbu ka safar hai
جینا اُسے آجائے کبھی یہ نہیں ممکن
اللہ کے احکام سے جس کو بھی مفر ہے
Jeena use aajaaye kabhi ye nahin mumkin
Allah ke ahkam se jis ko bhi mafar hai
اللہ سے دُعا ہے ، کہ مدینے میں رہوں میں
طاہرؔ! مِرا مرکز تو مدینے کا نگر ہے
Allah se dua hai, ke Madine mein rahun main
Taher! mera markaz to Madine ka nagar hai
Share This Naat
Share with friends and family
اللہ کے احکام ہی پہ میری نظر ہے
طاہر سلطانی