آنکھوں میں ترا شہر سمویا بھی بہت ہے
پر چھوڑ کے شاہا ! اُسے ،کھویا بھی بہت ہے
Aankhon mein tera sheher somoya bhi bohot hai
Par chor ke shaha! usay, khoya bhi bohot hai
شاید کبھی آ جائیں وہ سپنے میں اچانک
بے تاب ، اسی آس پہ سویا بھی بہت ہے
Shayad kabhi aa jayein woh sapne mein achanak
Be-taab, isi aas pe soya bhi bohot hai
ہر زائرِ بطحا کے یہ قدموں سے لپٹ کر
یادوں میں شہا ! آپ کی رویا بھی بہت ہے
Har zaair-e-batha ke yeh kadmoon se lipat kar
Yaadon mein shaha! aap ki roya bhi bohot hai
دیتے ہیں جواب آپ ، میں سُن پاتا نہیں ہوں
اک ہار سلاموں کا پرو یا بھی بہت ہے
Dete hain jawab aap, mein sun pata nahin hoon
Ek haar salaamon ka paro ya bhi bohot hai
دھوئے گی گناہوں کو شفاعت تری آقا !
گو رو کے گنہ گار نے دھویا بھی بہت ہے
Dhooye gi gunaahon ko shafaat teri aaqa!
Go ro ke gunahgar ne dhooya bhi bohot hai
کامل نہ ہو ملاح تو کمزور سفینہ
عصیاں کے سمندر نے ڈبویا بھی بہت ہے
Kaamil na ho mallaah to kamzor safeena
Asiyaan ke samundar ne duboya bhi bohot hai
لائیں گے خبر وصل کی ، فُرقت کے یہ آنسُو
پلکوں کو شہا ! ہم نے بھگویا بھی بہت ہے
Layein ge khabar wasl ki, furqat ke yeh aansoo
Palkon ko shaha! hum ne bhgoya bhi bohot hai
مٹ سکتا نہیں عشق ترا غیر کے ہاتھوں
پودا ترے عُشّاق نے بویا بھی بہت ہے
Mit sakta nahin ishq tera ghair ke haathon
Poda tere ushhaaq ne boya bhi bohot hai
جو لوگ مدینے میں جلیل ، اُس کو ملے تھے
’’بچھڑے ہوئے لوگوں کو وہ رویا بھی بہت ہے‘‘
Jo log Madine mein Jaleel, usko mile the
"Bichrre hue logon ko woh roya bhi bohot hai"
Share This Naat
Share with friends and family
آنکھوں میں ترا شہر سمویا بھی
حافظ عبدالجلیل