ساڈی کاہدی زندگی سوہنے بناں
سوہنی نئیں لگدی خوشی سوہنے بناں
Saadi kahdi zindagi sohne bnaa
Sohni naeen lagdi khushi sohne bnaa
آکھیا رب نے توں اے جبریل جا
سجدا نئیں عرش وی سوہنے بناں
Aakhya Rab ne tu ae Jabriel ja
Sajda naeen arsh vi sohne bnaa
لنگدیاں رو رو کے راتاں میریاں
کلی سجدی نئیں میری سوہنے بناں
Langdiyaan ro ro ke raataan meriyaan
kali sajdi naeen meri sohne bnaa
زور لایا اے بڑا چارہ گراں
روگ مکنے نئیں کدی سوہنے بناں
Zor laya ae bara chaara graan
Rog mukne naeen kadi sohne bnaa
دور رہ کے لذتاں نئیں اوندیاں
ہے ادھوری بندگی سوہنے بناں
Door reh ke laztan naeen ondiyan
Hai adhoori bandagi sohne bnaa
ہور وی آئے نبی پر عرش تے
پہنچا نہیں کوئی وی سوہنے بناں
Hor vi aaye nabi par arsh te
Pehencha naheen koi vi sohne bnaa
حشر دے دن سب نبی موجود سن
گل نئیں میری بنی سوہنے بناں
Hashar de din sab nabi mojood san
Gal naeen meri bani sohne bnaa
مل گیا سنگ سوہنیاں دی ذات دا
میرے پلے ہور کی سوہنے بناں
Mil gaya sang sohnyaan di zaat da
Mere pale hor ki sohne bnaa
ہے کرم سوہنے دا مرے نال نال
کوئی نئیں لنگدی گھڑی سوہنے بناں
Hai karam sohne da mere naal naal
Koi naeen langdi ghari sohne bnaa
آسے پاسے کیوں نیازی دیکھناں
ہے کہدی بیڑی تری سوہنے بناں
Aase paase kyu Niazi dekhnaa
Hai kehdi berhi teri sohne bnaa
Share This Naat
Share with friends and family
ساڈی کاہدی زندگی سوہنے بناں
عبدالستار نیازی