بگڑی ہوئی امت کی تقدیر بناتے ہیں
سرکار کی محفل میں سرکار بھی آتے ہیں
Bigri hui ummat ki taqdeer banate hain
Sarkar ki mehfil mein sarkar bhi aate hain
انوار برستے ہیں رحمت کے سرِ محفل
جب شاہِ مدینہ کی ہم نعت سناتے ہیں
Anwaar baraste hain rehmat ke sir-e-mehfil
Jab shah-e-Madina ki hum naat sunate hain
دامانِ رسالت میں ملتی ہے پناہ ان کو
جو سرورِ عالم کے دربار میں جاتے ہیں
Daman-e-Risalat mein milti hai panah unko
Jo Sarwar-e-Alam ke darbar mein jate hain
اس نامِ محمدؐ سے ہر سمت اجالا ہے
سب اہلِ نظر اس کو آنکھوں سے لگاتے ہیں
Is nam-e-Muhammad (SAW) se har simt ujala hai
Sab ahl-e-nazar isko aankhon se lagate hain
کچھ اشک عقیدت کے سرمایہ ہے آنکھوں کا
ہر روز یہی موتی پلکوں پہ سجاتے ہیں
Kuch ashk aqeedat ke sarmaya hai aankhon ka
Har roz yehi moti palkon pe sajate hain
اس حشر کے کیا کہنے جس روز ظہوریؔ کو
پیغام یہ آئے گا سرکار بلاتے ہیں
Is hashr ke kya kehne jis roz Zahoori ko
Paigham ye aaye ga Sarkar bulate hain
Share This Naat
Share with friends and family
بگڑی ہوئی امت کی تقدیر بناتے ہیں
محمد علی ظہوری