ناں مال دی ناں زر دے خزینے دی دُعا اے
ہر وقت میرے لب تے مدینے دی دُعا اے
Naa maal di naa zar de khazine di dua ae
Har waqt mere lab te madine di dua ae
لے جاوے مدینے چ گنہگار نوں جیہڑا
اے میرے خدا ایسے سفینے دی دُعا اے
Le jaave madine ch gunahgaar nu jehra
Ae mere Khuda aise safeene di dua ae
نکلے ناں کدی یاد خیالاں چوں نبی دی
ہر وقت میرے دل دی تے سینے دی دعا اے
Nikale naa kadi yaad khayalan chon Nabi di
Har waqt mere dil di te seene di dua ae
ناں یاد رہوے کوئی قرینہ وی دُعا دا
دراصل دعا ایہو قرینے دی دُعا اے
Naa yaad rahve koi qareena wi dua da
Dar asal dua eho qareene di dua ae
مومن دی رہوے خالی نہ جھولی میرے مولا
محبوب دی آمد دے مہینے دی دُعا اے
Momin di rahve khaali na jholi mere Moula
Mehboob di aamad de maheene di dua ae
کستوریاں کد منگدے نے سرکار دے عاشق
ہر لب تے محمد دے پسینے دی دُعا اے
Kasturiyan kad mangade ne Sarfar de aashiq
Har lab te Muhammad de paseene di dua ae
کد لمی حیاتی دا طلبگار ہاں صائم
طیبہ چ فقط مرنے تے جینے دی دُعا اے
Kad lambi hayati da talabgaar haan Sa'im
Taiba ch fakat marne te jeene di dua ae
Share This Naat
Share with friends and family
ناں مال دی ناں زر دے خزینے دی دُعا اے
علامہ صائم چشتی