جتنی اُلجھنیں ہیں ، جتنی کلفتیں ہیں
میرے بخت کی جتنی خرابیاں ہیں
Jitni uljhanain hain, jitni kulfatein hain
Mere bakht ki jitni kharabiyaan hain
آقاؐ آپؐ کی ایک نگاہ تک ہیں
پھر شادابیاں ہی شادابیاں ہیں
Aqa ﷺ aap ﷺ ki aik nigah tak hain
Phir shadabiyaan hi shadabiyaan hain
مِٹ کے ملیں جو آپؐ کے راستے سے
جو نصیب ہوں آپؐ کے واسطے سے
Mit ke milen jo aap ﷺ ke raste se
Jo naseeb hon aap ﷺ ke wastay se
سرفرازیاں وہ سرفرازیاں ہیں
کامیابیاں وہ کامیابیاں ہیں
Sarfaraziyaan wo sarfaraziyaan hain
Kamiyabiyaan wo kamiyabiyaan hain
لمحہ لمحہ اک آپؐ کی دید چاہوں
لحظہ لحظہ بس آنکھ کی عید چاہوں
Lamhah lamhah ek aap ﷺ ki deed chahoon
Lahzah lahzah bas aankh ki eid chahoon
کتنے مزے کی مری بے چینیاں ہیں
کتنی قیمتی مری بے خوابیاں ہیں
Kitne mazae ki meri be cheniyaan hain
Kitni qeemti meri be khwabiyaan hain
لُطف آپؐ کا شاملِ حال پایا
کربِ ہجر میں کیفِ وصال پایا
Lutf aap ﷺ ka shamil-e-haal paaya
Karb-e-hijr mein kaif-e-wisaal paaya
گویا دھڑکنیں چاپ سرکارؐ کی ہیں
خوشبو آپؐ کی یہی بے تابیاں ہیں
Goya dharkanain chaap Sarkar ﷺ ki hain
Khushbu aap ﷺ ki yehi be tabiyaan hain
تائبؔ آپ کا ہو کے فقیر آقاؐ
حرص و آز کا کیوں ہو اسیر آقاؐ
Taib aap ka ho ke faqeer aqa ﷺ
Hirs o aaz ka kyon ho aseer aqa ﷺ
ساری نعمتیں قدموں میں آپؐ کے ہیں
دستِ پاک میں خُلد کی چابیاں ہیں
Saari neymatein qadmon mein aap ﷺ ke hain
Dast-e-paak mein Khuld ki chaabiyaan hain
Share This Naat
Share with friends and family
جتنی اُلجھنیں ہیں ، جتنی کلفتیں ہیں
حفیظ تائب