کھلا بابِ توفیقِ مدح و ثنا ہے عطائے محمد عطائے خدا ہے
یہ نعتوں کا جھرنا سا جو پھوٹتا ہے عطائے محمد عطائے خدا ہے
khula baab-e-tawfeeq-e-madh o sana hai 'ataae Muhammad 'ataae Khuda hai
ye naato ka jharna sa jo phootta hai 'ataae Muhammad 'ataae Khuda hai
دلوں میں محبت حبیبِ خدا کی لبوں پر ہے مدحت شہِ دوسرا کی
سروں پر جو رحمت کی چھائی گھٹا ہے عطائے محمد عطائے خدا ہے
dilon mein mohabbat Habeeb-e-Khuda ki labon par hai madahat sheh-e-dosra ki
saron par jo rehamat ki chhayee ghata hai 'ataae Muhammad 'ataae Khuda hai
ریاضِ مودّت کا منظر تو دیکھو سکوں ہی سکوں کی بہاریں کھلی ہیں
معطّر معطّر دلوں کی فضا ہے عطائے محمد عطائے خدا ہے
Riyaaz-e-muddat ka manzar to dekho sukoon hi sukoon ki baharen khuli hain
ma'attar ma'attar dilon ki fiza hai 'ataae Muhammad 'ataae Khuda hai
تمنّا دھڑکتی ہےجوحاضری کی دعاؤں میں رہتی ہےجو چاشنی سی
نظر میں جو منظر سہانا بسا ہے عطائے محمد عطائے خدا ہے
tamanna dhadakti hai jo Haazri ki duaon mein rehti hai jo chaashni si
nazar mein jo manzar sahana basa hai 'ataae Muhammad 'ataae Khuda hai
طلب بھی تڑپ بھی وہ آہیں بھی سب کی وہ حیرت میں ڈوبی نگاہیں بھی سب کی
جو فرقت کے ماروں کی آہ و بکا ہے عطائے محمد عطائے خدا ہے
talab bhi tarap bhi wo aahen bhi sab ki wo hayrat mein doobi nigahen bhi sab ki
jo furqat ke maaron ki aah o buka hai 'ataae Muhammad 'ataae Khuda hai
درِ مصطفٰی کی ملی جو غلامی کٹی یا نبی یا نبی میں جوانی
لبوں پر ابھی تک وہی اِک صدا ہے عطائے محمد عطائے خدا ہے
dar-e-Mustafa ki mili jo ghulami kati ya Nabi ya Nabi mein jawani
labon par abhi tak wahi ik sada hai 'ataae Muhammad 'ataae Khuda hai
میں نسلوں سے ہوں جو انہی کا فدائی، ہے آبا سے نسبت غلامی کی پائی
ظفر نسلِ نو بھی جو ان کی گدا ہے عطائے محمد عطائے خدا ہے
mein naslon se hoon jo unhi ka fidaai, hai aaba se nisbat ghulami ki pai
Zafar nasl-e-no bhi jo un ki gada hai 'ataae Muhammad 'ataae Khuda hai
Share This Naat
Share with friends and family
کھلا بابِ توفیقِ مدح و ثنا ہے
محمد ظفراقبال نوری