سلطانِ زمن احمدِ مختار کے باعث
تخلیقِ دو عالم ہوئی سرکار کے باعث
Sultan-e-zaman Ahmed-e-Mukhtar ke bais
Takhleeq-e-do aalam hui Sarkar ke bais
آزاد ہوئی پنجۂ آلام سے دنیا
چارہ گریِ مونس و غم خوار کے باعث
Azad hui panja-e-aalaam se duniya
Chara gari-e-munas o gham khwar ke bais
روشن ہوا تنویرِ ہدایت سے زمانہ
طیبہ کے حسیں مہرِ ضیا بار کے باعث
Roshan hua tanveer-e-hidayat se zamana
Tayba ke haseen mehr-e-diyaa baar ke bais
جو دین مخالف تھے عدو ان کے بھی شہ نے
دل جیت لیے نرمیِ گفتار کے باعث
Jo deen mokhalif the ado un ke bhi Shah ne
Dil jeet liye narmi-e-guftar ke bais
اخلاقِ پیمبر نے اسے بخشی ہے وسعت
اسلام نہیں پھیلا ہے تلوار کے باعث
Akhlaq-e-Payamdar ne ise bakhshi hai wusat
Islam nahi phaila hai talwar ke bais
کردار و عمل سے کرو اپنے کو مزیّن
ایمان جِلا پاتا ہے کردار کے باعث
Kirdar o amal se karo apne ko maziyyan
Imaan jila pata hai kirdar ke bais
رسوائی ملی چھوڑ کے سرکار کی سنّت
ذیشان تھے ہم سنّتِ سرکار کے باعث
Ruswai mili chor ke Sarkar ki sunnat
Zeeshan the hum Sunnat-e-Sarkar ke bais
جنت سے نکالا گیا ابلیسِ لعیں کو
اک سجدۂ تعظیم سے انکار کے باعث
Jannat se nikala gaya Iblees-e-laeen ko
Ek sajda-e-taazeem se inkar ke bais
بوبکر نے اسلام پہ گھر بار لُٹایا
عشقِ شہِ دیں جذبۂ ایثار کے باعث
Bobakr ne Islam pe ghar baar lutaya
Ishq-e-Shah-e-din jazba-e-isar ke bais
ہو جائے گی احسنؔ کی بھی بخشش سرِ محشر
آقا کے کرم رحمتِ غفّار کے باعث
Ho jaye gi Ahsan ki bhi bakhshish sar-e-mahshar
Aaqa ke karam rahmat-e-ghaffaar ke bais
Share This Naat
Share with friends and family
سلطانِ زمن احمدِ مختار کے باعث
احسن اعظمی