آپؐ کے لفظوں کی خوشبو اور صدا میں قید ہوں
اِک ستارے کی طرح روشن خلا میں قید ہوں
Aapؐ ke lafzon ki khushbu aur sada mein qaid hoon
Ik sitare ki tarah roshan khala mein qaid hoon
آپؐ کے لطف و کرم کی انتہا میں قید ہوں
کتنا خوش قسمت ہوں میں کیسی فضا میں قید ہوں
Aapؐ ke lutf o karam ki inteha mein qaid hoon
Kitna khush qismat hoon main kaisi fiza mein qaid hoon
میرے سر پر ایک سایہ ہے رِدائے نور کا
میں فصیلِ گنبدِ صلِّ علیٰ میں قید ہوں
Mere sar par ek saya hai rida-e-nur ka
Main faseel-e-gumbad-e-sall-e-ala mein qaid hoon
کر نہیں سکتا مَیں اِس جنت کی وسعت کو عبور
میں خیالِ سیّدِ ہر دوسرا میں قید ہوں
Kar nahin sakta main is jannat ki wusat ko aboor
Main khayal-e-Syed-e-har dosra mein qaid hoon
میں غلام ابنِ غلامِ خواجۂ ارض و سما
گنبدِ خضرا کو مَس کرتی ہوا میں قید ہوں
Main ghulam ibn-e-ghulam-e-Khwaja-e-arz o sama
Gumbad-e-khadra ko mas karti hawa mein qaid hoon
گِرتا پڑتا کاش جا پہنچوں مدینے کے قریب
اڑتی خوشبو کی طرح اپنی دُعا میں قید ہوں
Gir'ta parta kaash ja pohnchun madine ke qareeb
Urti khushbu ki tarah apni dua mein qaid hoon
میرے ہونٹوں پر فرشتوں کی طرح انجؔم درُود
میں فرشتوں کی طرح غارِ حرا میں قید ہوں
Mere honthon par farishton ki tarah Anjam darood
Main farishton ki tarah ghar-e-hira mein qaid hoon
Share This Naat
Share with friends and family
آپؐ کے لفظوں کی خوشبو اور صدا میں قید ہوں
انجم نیازی