یہ جو حسنِ خیال ہے آقا
تیرا فیضِ جمال ہے آقا
Yeh jo husn-e-khyal hai aaqa
Tera faiz-e-jamal hai aaqa
جس میں جتنی ہیں خوبیاں، یکسر
آپ ہی کا کمال ہے آقا
Jis mein jitni hain khubiyan, yksar
Aap hi ka kamal hai aaqa
سیرتِ نور کی ہے تابانی
یہ جو حسنِ خصال ہے آقا
Seerat-e-noor ki hai tabani
Yeh jo husn-e-khisal hai aaqa
جو بھی دنیا میں سچ کی دولت ہے
تیرا عکسِ مقال ہے آقا
Jo bhi duniya mein sach ki daulat hai
Tera aks-e-maqal hai aaqa
یہ جو تاروں میں جگمگاہٹ ہے
تیری گردِ نعال ہے آقا
Yeh jo taron mein jagmagahat hai
Teri gard-e-naal hai aaqa
تیری راہوں کا ایک اک ذرّہ
آفتابِ جمال ہے آقا
Teri rahon ka ek ek zarra
Aftab-e-jamal hai aaqa
دونوں عالم میں بٹ رہا ہے جو
تیرا جود و نوال ہے آقا
Dono alam mein bat raha hai jo
Tera jood o nawal hai aaqa
آبِ زم زم ہو یا کہ کوثر ہو
سب لعابِ زلال ہے آقا
Aab-e-zam zam ho ya ke kausar ho
Sab luaab-e-zalal hai aaqa
اپنی رحمت کی اک نظر ڈالیں
غم سے اُمّت نڈھال ہے آقا
Apni rehmat ki ek nazar dalain
Gham se ummat ndhal hai aaqa
سب کے ہاتھوں میں تیر دیکھے ہیں
تیری رحمت ہی ڈھال ہے آقا
Sab ke hathon mein teer dekhe hain
Teri rehmat hi dhal hai aaqa
کب اٹھیں گے عروج کی جانب
کب سے لاحق زوال ہے، آقا
Kab utthenge urooj ki janib
Kab se lahiq zawal hai, aaqa
تیرا نوری بھی کوئی نعت کہے
بے عنایت، محال ہے آقا
Tera noori bhi koi naat kahe
Be inayat, mahaal hai aaqa
Share This Naat
Share with friends and family
یہ جو حسنِ خیال ہے آقا
محمد ظفراقبال نوری