وہ آپ کا در رشد و ہدایت کا ادارہ
جو اس سے جڑا ہوگیا ذرے سے ستارہ
Wo aap ka dar-i-rushd-o-hidayat ka idara
Jo is se jura ho gaya zarre se sitara
خورشید پلٹ آیا ہوا چاند دو پارہ
جب ہوگیا انگشتِ پیمبر کا اشارہ
Khursheed palat aaya hua chaand do para
Jab ho gaya angusht-i-paighambar ka ishara
آغوشِ حلیمہ میں نبیؐ آگئے جس دم
روشن ہوا اس دائی کی قسمت کا ستارہ
Aaghosh-i-Haleema mein Nabi (ﷺ) aa gaye jis dam
Roshan hua us daai ki qismat ka sitara
توحید کے متوالوں کا سکہ ہوا رائج
بوجہل مزاجوں کا ہوا ختم اجارہ
Tauheed ke matwalon ka sikka hua raij
Bujahl mizajon ka hua khatm ijara
ایمن ، نہ عدن ، طور، نہ سینا کے مناظر
آنکھوں کو مری چاہیے طیبہ کا نظارہ
Aiman, na Adan, Toor, na Seena ke manazir
Aankhon ko meri chahiye Tayyaba ka nazara
جو ہو گیا وابستہ کفِ پائے نبیؐ سے
وہ خاک کا ذرہ ہوا صد رشکِ ستارہ
Jo ho gaya wabasta kaf-i-paa-i-Nabi (ﷺ) se
Wo khaak ka zarra hua sad rashk-i-sitara
فیضانِ درِ سیدِ کونین کے صدقے
ہر ایک صحابی ہوا عظمت کا منارہ
Faizan-i-dar-i-Syed-i-Konain ke sadqe
Har aik sahabi hua azmat ka manara
ہر ظلم سہے ، حق پہ رہے ، پھر بھی صحابہ
سوچا نہ کبھی اس میں کوئی نفع خسارہ
Har zulm sahe, haq pe rahe, phir bhi sahaba
Socha na kabhi is mein koi naf’a khasara
نرغے میں تلاطم کے ہے کشتی مری یا رب
صدقے میں پیمبر کے عطا کر دے کنارہ
Narghe mein talatum ke hai kashti meri ya rab
Sadqe mein paighambar ke ata kar de kinara
پھر اسوۂ سرکار کا احسؔن لے سہارا
پانا ہے اگر عظمتِ رفتہ کو دوبارہ
Phir uswa-i-Sarkar ka Ahsan le sahara
Paana hai agar azmat-i-rafta ko dobara
Share This Naat
Share with friends and family
وہ آپ کا در رشد و ہدایت کا ادارہ
احسن اعظمی