نہ جنت کی تمنا ہو نہ دوزخ کا ہو ڈر مجھ کو
عطا کر دے مدینے میں خدایا ایسا گھر مجھ کو
Na jannat ki tamanna ho na dozakh ka ho dar mujh ko
Ata kar de Madinay mein Khudaya aisa ghar mujh ko
کروں ایسی محبت کاش محبوبؐ دوعالم سے
مدینہ ہی مدینہ ہر طرف آئے نظر مجھ کو
Karun aisi mohabbat kaash Mahboob-e-do-alam se
Madinah hi Madinah har taraf aaye nazar mujh ko
مَیں اتنا ڈوب جاؤں جانِ جاناں کے خیالوں میں
کسی شے کی نہ ہو سارے زمانے میں خبر مجھ کو
Main itna doob jaaoon jaan-e-janan ke khayalon mein
Kisi she ki na ho sare zamane mein khabar mujh ko
بھُلانا بھی اگر چاہوں نہ میں اُس کو بھُلا پاؤں
کبھی سونے نہ دے وہ رات کے پچھلے پہر مجھ کو
Bhulana bhi agar chahoon na main us ko bhula paoon
Kabhi sone na de woh raat ke pichhle pehar mujh ko
اُسی کی چھاؤں میں بیٹھا رہوں روزِ قیامت تک
عطا کردے وہی یادوں کے پھولوں کا شجر مجھ کو
Usi ki chhaon mein baitha rahun roz-e-qayamat tak
Ata kar de wohi yaadon ke phoolon ka shajar mujh ko
وہ دو ٹکڑے ہوا ہے تیری انگلی کے اشارے سے
ترا یہ معجزہ آکر بتاتا ہے قمر مجھ کو
Woh do tukre hua hai teri ungli ke ishare se
Tera yeh mojza aakar batata hai qamar mujh ko
تری خوشبو جگا دے کاش گہری نیند سے آکر
مرے چاروں طرف محسوس ہو یہ عمر بھر مجھ کو
Teri khushboo jaga de kaash gehri neend se aakar
Mere charon taraf mehsoos ho yeh umr bhar mujh ko
مدینے کی گلی کوچوں میں لے جائیں گے یہ آخر
مرے بہتے ہوئے آنسو مری یہ چشمِ تر مجھ کو
Madinay ki gali koochoon mein le jayenge yeh aakhir
Mere behtay hue aansu meri yeh chashm-e-tar mujh ko
اتر جائے اگر بارِ گراں اپنے گناہوں کا
بہت آساں دکھائی دے قیامت کا سفر مجھ کو
Utar jaye agar bar-e-graan apne gunahon ka
Bohat aasan dikhayi de qayamat ka safar mujh ko
Share This Naat
Share with friends and family
نہ جنت کی تمنا ہو نہ دوزخ کا ہو ڈر مجھ کو
انجم نیازی