برس چالیس گذرے نعت کی محفل سجانے میں
مجھے قسمت جگانے میں انہیں رحمت لٹانے میں
Baras chalis guzray naat ki mehfil sajaane mein
Mujhe qismat jagaane mein unhein rehmat lutaane mein
برس پینتیس گذرے شوق کو نذرِ قلم کرتے
مجھے نعتیں رقم کرتے انہیں مجھ پر کرم کرتے
Baras paintis guzray shauq ko nazr-e-qalam karte
Mujhe naaten raqam karte unhein mujh par karam karte
اچانک نیند سے جیسے مجھے کوئی جگاتا ہے
اُجالا ہو نہیں پاتا مقدر جگمگاتا ہے
Achanak neend se jaise mujhe koi jagata hai
Ujala ho nahi pata muqaddar jagmagata hai
زباں جو کہہ نہیں سکتی جب ایسی بات لکھتا ہوں
میرے آنسو مدد کرتے ہیں جب میں نعت لکھتا ہوں
Zubaan jo keh nahi sakti jab aisi baat likhta hoon
Mere aansu madad karte hain jab mein naat likhta hoon
بہت آساں ہے شاہِ مدینہ کی ثنا کرنا
بہت مشکل ہے اندر بھی وہی حالت بپا کرنا
Bohat aasan hai Shah-e-Madina ki sana karna
Bohat mushkil hai andar bhi wahi haalat bapa karna
تقا ضا عمر کا میری کہاں لے کر مجھے آیا
ارادہ صرف باندھا اور کرم نے کر دیا سایہ
Taqaza umr ka meri kahan le kar mujhe aaya
Irada sirf bandha aur karam ne kar diya saaya
لکھوں اس طرزِ نو میں یہ میرا اعزازِ خامہ ہو
جو شاہوں کے شہنشاہ ہیں یہ اُن کا شاہنامہ ہو
Likhun is tarz-e-nau mein ye mera aizaaz-e-khama ho
Jo shahoon ke shahinshah hain ye un ka shahnama ho
گدا ہیں ان کے در کے تاجور جتنے جہاں میں ہیں
وہی تو ہیں جو بندوں اور خدا کے درمیاں میں ہیں
Gada hain un ke dar ke tajwar jitne jahan mein hain
Wohi to hain jo bandon aur khuda ke darmiyan mein hain
وہی الفاظ بخشیں گے وہ ہی مجھ کو زباں دیں گے
زباں کو شاہنامے کے لیے حسنِ بیاں دیں گے
Wohi alfaaz bakhshein ge woh hi mujh ko zubaan dein ge
Zubaan ko shahnama ke liye husn-e-bayan dein ge
خدایا ابتدا کرتا ہوں نامِ مصطفیٰ لے کر
کرم کی بھیک حسنِ جود لے کر اور سخا لے کر
Khudaya ibtida karta hoon naam-e-Mustafa le kar
Karam ki bheek husn-e-jood le kar aur sakha le kar
یہ نام مصطفیٰ کشتی کو میری پار کردے گا
وہ اس گونگی زباں کو قابلِ گفتار کردے گا
Ye naam Mustafa kashti ko meri par kar de ga
Woh is goongi zubaan ko qabil-e-guftar kar de ga
جب اُن کا حسن خود کو مطلع انوار کر دے گا
مری چشمِ طلب بھی قابل دیدار کر دے گا
Jab un ka husn khud ko matla-e-anwaar kar de ga
Meri chasm-e-talab bhi qabil-e-deedar kar de ga
حرا کی بلندی زیرِ پائے مصطفیٰ آنا
دو عالم کی زباں پر اس کا جبلِ نور کہلانا
Hira ki bulandi zer-e-paye Mustafa aana
Do aalam ki zubaan par iska Jabal-e-Noor kehlana
Share This Naat
Share with friends and family
برس چالیس گذرے نعت کی محفل سجانے میں
حضرت ادیب رائے پوری