کوئی رہ آسمان تے یار گیا ، کوئی جا سدرہ تے ہار گیا
اک کالیاں زلفاں والا سی جیہڑا عرش توں وی لنگھ پار گیا
Koi reh aasmaan te yaar gaya, koi ja sidrah te haar gaya
Ik kaaliyan zulfan wala si jehra arsh to we langh paar gaya
حوراں سہرے گوندیاں آیاں زُلفاں رستیاں وچ وچھائیاں
لنگھدا جیہڑے راہوں سوہنا عربی شاہ اسوار گیا
Hooran sehre gondiyan aaiyan zulfaan rastiyan vich vichhaiyan
Langhda jehre rahan sohna Arabi Shah aswaar gaya
تارے ڈب ڈب تر دے جاندے قدسی سجدے کر دے جاندے
نظر کرم دی کر کے سوہنا سب دے بیڑے تار گیا
Taare dab dab tar de jaande qudsi sajde kar de jaande
Nazar karam di kar ke sohna sab de beyray taar gaya
کستوری دے حلّے آون خوشبواں دے بلے آون
عرش دا راہی جاندا جاندا ہر سُو مہک کھلار گیا
Kastoori de halle aawan khushboaan de balle aawan
Arsh da rahi jaanda jaanda har su mehak khular gaya
اک پل اندر پینڈے مکے پردے جا وحدت دے چکے
نور گیا ہو نور چہ شامل عشق دا کھل اسرار گیا
Ik pal andar penday makay parday ja wahdat de chukay
Noor gaya ho noor cheh shaamil ishq da khul asrar gaya
گھر والا گھر جا کے آیا اُمت نوں بخشا کے آیا
بیڑا عاصیاں والا صائم آج راتیں ہو پار گیا
Ghar wala ghar ja ke aaya ummat nu bakhsha ke aaya
Beyra aasiyan wala Sa'im aaj raatein ho paar gaya
Share This Naat
Share with friends and family
کوئی رہ آسمان تے یار گیا ، کوئی جا سدرہ تے ہار گیا
علامہ صائم چشتی