چلے ہیں اہلِ طلب سُوئے منزلِ مقصُود
دِلوں میں عشق لبوں پر ترانہ ہائے درُود
Chale hain ahl e talabb soo-e manzil e maqsud
Dilon mein ishq labon par tarana haye darood
جمی ہُوئی ہے نظر اُن کے سبز گنبد پر
اُتر رہی ہیں دل و جاں میں کیفیاتِ شہُود
Jami hui hai nazar un ke sabz gunbad par
Utar rahi hain dil o jaan mein kefiayat e shahood
درِ کرم پہ کھڑے ہیں بہ چشمِ تر آقا
نظر جُھکی ہُوئی، پیشانیاں عرق آلود
Dar e karam pe kharay hain ba chashm e tar aaqqa
Nazar jhuki hui, peshaaniyaan araq alood
خوشا نصیبِ کسی کو بدامنِ تو رسید
بہ دامنِ تو رسید و بہ دوجہاں آسود
Khusha naseeb e kisi ko ba daman e tu raseed
Ba daman e tu raseed o ba do jahan aasood
بس اِک نشاطِ حضُوری کہ جس میں بُعد نہ ہجر
بس اِک زمانِ مسلسل کہ جِس میں رفت نہ بود
Bas ik nishat-e huzoori ke jis mein buad na hijr
Bas ik zaman e musalsal ke jis mein raft na bood
ابد کے نرخِ گراں پر بھی مَیں عطا نہ کروں
تڑپ تڑپ کے مِلا ہے یہ لمحۂ موجود
Abad ke nerkh e garan par bhi main ata na karun
Tadap tadap ke mila hai ye lamha e mojood
یہ ساری رونقِ ہستی اِنہی سے ہے ورنہ
سوائے خلوتِ لاہوت کُچھ نہ تھا موجُود
Ye saari ronak e hasti inhi se hai warna
Sivaye khalwat e lahoot kuch na tha mojood
احاطہ اُن کے جلال و جمال کا کیا ہو
کہ ہیں وسائلِ عشق و خرد بہت محدود
Ihaata un ke jalaal o jamaal ka kya ho
Ke hain wasail e ishq o khurd bohot mehdood
چراغِ ماہ میں وہ، شمعِ آفتاب اُن سے
ستارہ ہائے فلک سے زیادہ اُن پہ درُود
Chiragh e maah mein wo, sham ' e aaftaab un se
Sitara haye falak se zyada un pe darood
اگر اطاعتِ سرکارؐ پر نہ ہو بُنیاد
مثالِ خانۂ برباد ہیں رکُوع و سجُود
Agar itaat e sarkaar ﷺ par na ho buniyad
Misaal e khaana e barbaad hain ruku o sujood
اُنہی کے در پہ کجاوے کھُلیں گے آخرکار
رُکے گا ایک ہی منزل پہ کاروانِ وجُود
Unhi ke dar pe kajawa khulenge aakhirkar
Rukay ga ek hi manzil pe karwan e wujood
بجز گزارشِ دیدار کیا کروں عاصیؔ
کہ ایک بندۂ مجبُور کی یہی ہیں حدُود
Bajuz guzaarish e deedaar kya karun Aasi
Ke ek banda e majboor ki yahi hain hudood
Share This Naat
Share with friends and family
چلے ہیں اہلِ طلب سُوئے منزلِ مقصُود
عاصی کرنالی