گنبدِ خضریٰ ہے اے دل آج تیرے روبرو
ہو گئی پوری نگاہِ منتظر کی آرزو
Gunbad-e-Khazra hai ae dil aaj tere roobaru
Ho gayi poori nigah-e-muntazir ki aarzu
ان پہ فضلِ خاص ہوتا ہے مرے سرکار کا
آتے ہیں اشکِ ندامت سے جو ہو کر باوضو
Un pe fazl-e-khaas hota hai mere sarkar ka
Aate hain ashk-e-nadamat se jo ho kar bawazu
ہے فقط ذکرِ صفاتِ مصطفیٰؐ قرآن میں
ڈھونڈتا کیا ہے منافق آیۂ تخفیف تُو
Hai faqat zikr-e-sifaat-e-Mustafaﷺ Quran mein
Dhoondta kya hai munaafiq aayah-e-takhfeef tu
صورت و سیرت میں، عظمت میں نبیؐ بے مثل ہیں
ہو نہیں سکتا کوئی عالم میں ان سا ہوبہو
Soorat o seerat mein, azmat mein Nabiﷺ be misl hain
Ho nahi sakta koi aalam mein un sa huba-hu
آگئے جب دامنِ سرکار میں حضرت بلال
تن کے کالے تھے ہوا دل نورِ حق سے خوبرو
Aagaye jab daaman-e-sarkar mein Hazrat Bilal
Tan ke kaale the hua dil noor-e-haq se khoobru
آگئی ہے جشنِ میلادِ پیمبر کی گھڑی
عیدِ میلاد النبیؐ کا غلغلہ ہے کو بکو
Aagai hai jashn-e-meelad-e-paighambar ki ghari
Eid-e-Meelad un Nabiﷺ ka ghul ghula hai koo b koo
رحمتِ کونین کے فیضانِ رحمت کے طفیل
اہلِ طیبہ آج بھی ہیں نیک دل اور نیک خو
Rehmat-e-kainaat ke faizaan-e-rehmat ke tufail
Ahl-e-Taiba aaj bhi hain naik dil aur naik khoo
نامۂ اعمال تو لے جائیں گے جب حشر میں
اے شفیع المذنبیں رکھ لیجیے گا آبرو
Naam-e-aamaal to le jaayeinge jab hashr mein
Ae Shafi'ul Muznibeen rakh lijiye ga aabroo
ہوتے ہی احسؔن درِ سرور پر اپنی حاضری
ہو گئی ہے ختم منزل کی تلاش و جستجو
Hote hi Ahsan dar-e-Sarwar par apni haaziri
Ho gayi hai khatam manzil ki talaash o justaju
Share This Naat
Share with friends and family
گنبدِ خضریٰ ہے اے دل آج تیرے روبرو
احسن اعظمی