مدینے میں رکھو ہلکی صدا تک
یہاں آہستہ چلتی ہے ہوا تک
Madine mein rakho halki sada tak
Yahan aahista chalti hai hawa tak
جہانِ عقل حیرت میں ہوا گم
پڑھا وَالنَّجم کو جب مَا طَغٰی تک
Jahan-e-aql hairat mein hua gum
Parha wa-najm ko jab ma tagha tak
لگا لے ان کی خاکِ پا کا سرمہ
کتابِ لوح پھر اے چشمِ وا ! تَک
Laga le un ki khaak-e-pa ka surma
Kitab-e-loh phir ae chashm-e-wa! tak
مجھے ہے ربط گیسوئے نبی سے
مِری جانب نہ اے رنج و بلا ! تَک !
Mujhe hai rabt gesu-e-nabi se
Meri janib na ae ranj o bala! tak!
تمہاری ملک سے شاہِ " دَنا " ! کچھ
ہے از تحت الثریٰ عرشِ علیٰ تک
Tumhari mulk se shah-e "dana" ! kuch
hai az tahat al-thara arsh-e-ala tak
رہا کربل میں یوں پاسِ شریعت
نہ اتری سر سے زینب کے رِدا تک
Raha Karbal mein yun pas-e-shariat
na utri sar se Zainab ke rida tak
نہیں ہے فاصلہ کچھ بھی معظمؔ
درِ احمد سے دربارِ خدا تک
Nahi hai faasla kuch bhi moazzam
Dar-e-Ahmad se darbar-e-Khuda tak
Share This Naat
Share with friends and family
مدینے میں رکھو ہلکی صدا تک
معظم سدا معظم مدنی