نگاہِ حق میں مقامِ محمدؐی کیا ہے
یہ روشنی ہی سے پُوچھو کہ روشنی کیا ہے
Nigaah-e-Haq mein maqam-e-Muhammad (SAW) kiya hai
Yeh roshni hi se poochho ke roshni kiya hai
حیاتِ پاک کا ہر لمحہ بن گیا ہے گواہ
کہ ایک بندے کا معیارِ بندگی کیا ہے
Hayat-e-Pak ka har lamha ban gaya hai gawah
Ke aik banday ka meyar-e-bandagi kiya hai
کسے شعُورِ تمدّن تھا آپؐ سے پہلے
نہ زندگی کو خبر تھی کہ زندگی کیا ہے
Kise shaor-e-tamaddun tha aap (SAW) se pehle
Na zindagi ko khabar thi ke zindagi kiya hai
کبھی کرم کی نظر سے کبھی تحمّل سے
یہ دُشمنوں کو بتایا کہ دوستی کیا ہے
Kabhi karam ki nazar se kabhi tahammul se
Yeh dushmanon ko bataya ke dosti kiya hai
نہ زندگی کا سلیقہ نہ بندگی کا شعُور
خدا ہی جانے یہ اندازِ پیروی کیا ہے
Na zindagi ka saleeqa na bandagi ka shaor
Khuda hi jaane yeh andaaz-e-pairawi kiya hai
خدا کا ذِکر کریں مدحتِ نبیؐ لکھیں
سوائے اس کے کمالِ سخنوری کیا ہے
Khuda ka zikr karein madihat-e-Nabi (SAW) likhein
Siwaye is ke kamal-e-sukhanwari kiya hai
حنیفؔ دولتِ کونین اور کیا ہوگی
غلامِ سرورِؐ دیں ہوں مُجھے کمی کیا ہے
Hanif daulat-e-konnain aur kya hogi
Ghulam-e-Sarwar-e-Deen (SAW) hon mujhe kami kiya hai
Share This Naat
Share with friends and family
نگاہِ حق میں مقامِ محمدؐی کیا ہے
حنیف اسعدی